Wikipédia:Tutorial (Panyuntingan)
 |
| Artikel iki bagéan saka Tutorial Wikipedia |
| Kaca tutorial... |
|
Kaca ngarep |
| Delengen uga... |
Fitur iki minangka fitur wiki kang paling dhasar yakuwi: Sunting. Kajaba sawetara kaca kang dilindhungi (diproteksi), saben kaca wiki tansah nduwèni pranala (link) mawa tulisan "Sunting". Pranala iki kanggo nyunting (ngèdhit) kaca kasebut. Sawijining situs kang mènèhi kasempatan kanggo sapa waé sing mèlu nyunting isiné, diarani wiki.
Coba kliken pranala iki:kothak wedhi, banjur klik "sunting". Panjenengan bakal pirsa anané kodhe wiki ing kaca kasebut. Tambahana tulisan apa waé kang narik kawigatèn panjenengan, banjur klik tombol "Simpen", lan pirsani apa dadiné. Kepriyé cara nyunting kanthi luwih rinci, pirsani Wikipedia:Nyunting kaca.
Tuduhna dhisik
[besut sumber]Sawijining fitur wigati ing panyuntingan yakuwi Tuduhna dhisik. Coba sepisan manèh nyunting kothak wedhi, banjur klik-en tombol "Tuduhna dhisik". Bab iki bakal nuduhaké panjenengan bisa mirsani dhidik kasil suntingan sadurungé bener-bener disimpen. Migunakaké "Tuduhna dhisik" sadurungé nyimpen kaca uga nyebabaké panjenengan bisa mirsani owah-owahan format utawa suntingan liyané tanpa ngebak-kebaki daftar "sajarah kaca" (versi sadurungé), sarta sawetara kauntungan liyané. Nanging aja lali, sawisé kuwi, klik-en tombol "Simpen" yèn wis rampung (lan cukup rapi)!
Ringkesan
[besut sumber]Sadurungé panjenengan ngeklik tombol "Simpen", diprayogakaké supaya nulis ringkesan suntingan utawa owah-owahan kang lagi waé panjenengan ayahi, ing kothak "Ringkesan" kang dumunung ing sakdhuwuré jendhèla "sunting" karo tombol "Simpen" lan "Tuduhna dhisik". Tulis ringkesan kang cekak; upamané yèn panjenengan mung nulis typo, wong bakal ngerti yèn panjenengan wis ngayahi owah-owahan sithik bab korèkasi tata panulisan (tipografi), utawa owah-owahan sithik liyané.
Coba gawénen èksperimèn panyuntingan kaca ing kothak wedhi sasenengé, banjur terusaké menyang topik tutorial bab Nata format.