Wikipedia:Wiki Mrebawani II

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Wiki Mrebawani #2
ꦮꦶꦏꦶꦥꦺꦣꦶꦪꦩꦁꦉꦏ꧀ꦱꦧꦱꦗꦮꦭꦤ꧀ꦩꦸꦩ꧀ꦥꦸꦤꦶ꧇꧒꧇

TepasAyahanPanumpukanPambijiPitakonBesutan
Wiki Mrebawani II logo (without text).png

Wiki Mrebawani II iku lanjutané Wiki Mrebawani sing dianakaké sataun kapungkur. Cekakan saka Wikipédia Mangreksa Basa Jawa lan Mumpuni, Wiki Mrebawani iku pasanggiri (kompetisi) ing Wikipédia Jawa sing ngupayani nggolèk wong-wong sing perduli basa Jawa lan bisa nulis sarana basa Jawa. Pasanggiri iki ancasé mekaraké paguyuban Wikipédia basa Jawa kanggo mbangun Wikipédia Jawa dadi bauwarna (ènsiklopèdhi) gratis abasa Jawa gedhé dhéwé tur migunani tumrap wong akèh sinartan nguri-uri basa Jawa ing jagat Internèt. Mangreksa ing basa Jawa tegesé 'njaga' lan mumpuni tegesé 'unggul'. Mrebawani uga ana tegesé dhéwé ya iku 'ndayani'.

Pasanggiri Wiki Mrebawani II lumaku saka tanggal 15 April 2017 nganti 15 Fèbruari 2018 (10 wulan), sing kapérang dadi Mangsa 1 lan Mangsa 2, sing sabené suwéné 5 wulan. Pasanggiri iki lumaku ing situs Wikipédia Jawa iki. Panyarta ditugasi nulis artikel saakèh-akèhé lan saapik-apiké saperlu menangaké bebungah utama laptop, sing cacahé siji ing saben mangsa. Kanggo ngrebut bebungah utama iku, saben panyarta sing kasil ngripta 50 artikel éntuk bebana kamus Indonesia-Jawa sing bisa dianggo ngembangaké lan ngasah kaprigelan nulis basa Jawa.

Sajeroning pasanggiri iki, ora ana aturan gugur. Ing saben mangsa, panyarta bébas lan bisa sawayah-wayah nggawé artikel. Panyarta bakal dibiji adhedhasar gunggungé artikel sing digawé (40%), mutuné patang artikel apik dhéwé sing digawé (40%), lan présènsiné sasuwéné pasanggiri (20%).

Calendar font awesome.svg Kalamangsa
  • Mangsa I wiwit 15 April nganti 14 Sèptèmber 2017.
  • Mangsa II wiwit 23 Sèptèmber nganti 20 Fèbruari 2018.


Thumbs up font awesome.svg Carané mèlu

Sapa waé bisa mèlu pasanggiri iki kalawan gratis. Isènana formulir pandhaftaran iki kanggo mèlu. Panjenengan ora kudu duwé akun Wikipédia nalika ndaftar iki, nanging manawa wis duwé luwih becik. Datané panjenengan iki kanggo sambung rembug antarané panyarta lan panitya lan ora kanggo diwènèhaké péhak liyané.

Cog font awesome.svg Disengkuyung déning
Wikimedia Foundation RGB logo with text.svg Wikimedia-logo-id.svg