Wikipédia:Artikel pilihan/2015 12
Adnan Oktar (lair 2 Februari 1956), utawi ugi kawentar mawi nami Harun Yahya, punika satunggaling pangripta Turki lan tokoh ciptanisme utawi kréasionisme Muslim. Ing taun 2007, piyambakipun ngintun kathah èksèmplar saking bukunipun tanpa dipuntedha marang tokoh winasis Amérika, anggota Konggrès AS lan muséum sains. Oktar gadhah kalih organisasi ingkang ugi dipunpangrèhi minangka Présidèn Kinurmatan: Bilim Araştırma Vakfı (tegesipun, "Yayasan Risèt Sains", BAV, dipunadegaken taun 1990), ingkang promosi kréasionisme lan Milli Değerleri Koruma Vakfı (tegesipun, "Yayasan Kanggé Nguri-Uri Aji-Aji Budaya", dipunadegaken taun 1995) ingkang aktif ing salebetipun Nagari Turki ngenani isyu-isyu ahlak.
Ing taun-taun pungkasan, Adnan Oktar punika misuwur déné acara dakwahipun wonten saluran TV-nipun, A9 TV.
Wonten Indonésia sacara umum lan ugi wonten ing Tanah Jawi sacara kusus, Harun Yahya ugi misuwur. Kathah vidéo saha bukunipun ingkang pajeng dipuntumbasi.