Wikipédia:Kasalahan kang umum
(Kaelih saka Wikipédia:Wikipedia dudu)
Wikipedia kuwi sawijining proyek bebarengan kanggo mujudaké bauwarna utawa Ensiklopedia jangkep jroning manéka warna basa ing donya, klebu basa Jawa. Amarga kuwi mangga kita syukuri kasempatan iki lan kita patuhi sawetara paugeran bab Wikipedia kang ana ing ngisor iki.
Wikipedia dudu:
- Panggonan kanggo iklan. Aja ndèlèh iklan produk ing Wikipedia. Naraguna diidinaké ndèlèh pranala (link) ing kaca bab produk tartamtu, angger ora kebangeten. Kudu nétral lan ora ngèlèk-èlèk produk liyané.
- Situs blog. Aja mulis jurnal pribadi ing Wikipedia (delengen Wikipédia:Vanitas).
- Panggonan nakokaké jawaban tumrap tugas. Aja nakokaké piyé jawaban kanggo tugas panjenengan kayata carané gawé program komputer lan tugas sekolah.
- Panggonan dakwah. Wikipedia njunjung kabebasan nganut agama lan nglakoni ibadah. Amarga saka kuwi, coba ngurmati uga kabebasan wong liya kanggo nganut kapercayaané. Yèn kepéngin nulis artikel kang magepokan karo agama, cobanen ora botsih. Aja nulis yèn agama kang panjenengan percayani kuwi kang paling apik. Aja nulis yèn agamané wong liya kuwi ora apik. Taati supaya ora menghujat utawa ndiskreditaké golongan liya. Nanging uga aja ngolok-olok golongané dhéwé.
- Papan tempel panggonan kanggo titip pesen. Tulisa artikel kang ana maknané, dudu mung pesen-pesen kang ngawur. Yèn kepéngin njajal, pigunakaké Kotak wedhi.
- Panggonan ngobrol utawa forum. Wikipedia dudu panggonan ngobrol utawa chatting, kaca dhiskusi ora dikarepaké kanggo kuwi.
- Panggonan nyimpen data. Perangkat keras Wikipedia ora akèh cacahé, apiké sumber-sumber kang ana dijaga kanthi apik.
- Forum pulitik. Wikipedia njunjung dhuwuri hak bebas wicara, nanging minangka bauwarna utawa ensiklopedia kudu duwé sifat netral lan informatif, ora persuasif.
- Panggonan temu penggemar (fan page). Wikipedia kuwi ensiklopedia kang serius, dadi supaya diéndani nulis artikel kang muluk-muluk bab idola panjenengan Anda, utamané artis-artis kawentar.
- Dokter pribadi. Aja njaluk konsultasi bab kang magepokan karo kasehatan panjenengan. Cepet tindak menyang klinik ketemu dokter!
- Bausastra. Gawénen artikel kang rada "jero". Lema bausastra utawa kamus apiké diamot ing proyek Wiktionary.
- Portal warta. Wikipedia kuwi ensiklopedia, dadi éndhani nulis warta aktual, senajan warta aktual bisa uga dipertimbangaké mlebu ana ing Wikinews.
Pungkasané, siji bab kang perlu diélingi : mbokmanawa rada paradoksal, Wikipedia Jawa iki ora mung kanggo wong utawa warga Jawa, nanging uga kanggo para penutur basa jawa ing saindhenging donya tanpa ndeleng etnisitas utawa kawarganegaraan. Matur nuwun lan slamet awikipedia!