Wikipédia:Aja nyerang pribadi

Aja nyerang pribadi ing Wikipedia. Komentar marang isi, dudu marang kontributor. Serangan pribadi ora bakal mbantu ngrampungké masalah, malahan bakal ngrusak komunitas Wikipedia lan nyurutaké semangat kanggo mèlu kontribusi mbangun ensiklopedia kang apik.

Ora ana alesan babar pisan kanggo nyerang pribadi marang kontributor liyané. Aja dilakoni.

Konsekuensi

Pasulayan ing kaca dhiskusi bakal bisa dideleng déning sapa waé kang bisa ngaksès Internet. Prilaku panjenengan ing Wikipedia bakal nduwèni dampak marang Wikipedia lan panjenengan dhéwé. Tetepa tenang.

Sabagéan gedhé wikiwan bakal mbusak serangan pribadi kang ditemokaké. Senadyan mangkono bab iki dudu kawicaksanan katulis, bab iki dianggep minangka sawijining tindakan serangan kang keladuk. Akèh naraguna kang wis di"cekal" amarga nyerang pribadi makaping-kaping.

Mikir kang séhat

Para kontributor manawa ora sarujuk ngenani sawijining artikel. Anggota komunitas kang sebrang-sebrangan manawa kepingin nyuarakaké isi atiné. Nyawijèkaké manéka pandhangan jroning sawijining artikel bakal ngasilaké tulisan kang luwih becik lan luwih netral kanggo sakabèhé. Élingana kanggo nampa yèn kita kabèh kagabung jroning komunitas gedhé, amarga kita kabèh para wikiwan lan wikiwati.