Ujian Nasional

Ujian Nasional utawi dipuncekak UN / UNAS inggih punika sistem evaluasi standar pendidikan dhasar lan menengah kanthi nasional lan amrih madhani mutu tingkat pendidikan antar laladan ingkang dipunwontenaken déning Pusat Penilaian Pendidikan, Depdiknas ing Indonésia dhedhasar Undang-Undang Républik Indonésia nomer 20 taun 2003 njlentrehaken bilih kanggé pengendhalian mutu pendidikan kanthi nasional dipunwontenaken evaluasi minangka wujud akuntabilitas panyelenggaraan pendidikan dhateng pihak-pihak ingkang gadhah kapentingan. Salajengipun dipunjlentrehaken bilih evaluasi dipunwontenaken déning lembaga ingkang mandiri kanthi tartamtu wekdalipun, transparan, lan sistematik kanggé paring biji pencapaian standar nasional pendidikan lan prosès pemantauna evaluasi kasebat kedah dipunwontenaken kanthi konsisten. Prosès pangecékan evaluasi kasebat dipunayahi kanthi terus-terusan lan ing tembenipun saged paring kasaenan dhumateng saenipun pendidikan. Pangecékan mutu pendidikan dipunwiwiti kanthi damel standar pendidikan. Ujian Nasional punika kedah dipunayahi déning para siswa sekolah, SMA kelas XII, SMP kelas IX, lan SD kelas 6.