The Birth of a Nation

Saka Wikipédia Jawa, bauwarna mardika basa Jawa
Poster filem BIrth of a Nation

The Birth of a Nation (sadurungé diarani The Clansman) iku sawijining filem ireng putih tanpa swara gawéan Amérikah Sarékat weton taun 1915. Filem iki disutradarani lan dikoproduksi déning D. W. Griffith lan dibintangi déning Lillian Gish. Skénarioné diadaptasi saka roman lan sandiwara The Clansman, loro-loroné déning Thomas Dixon Jr. Griffith iku mèlu nulis skénario karo Frank E. Woods, lan filem iki dikoproduksi karo Harry Aitken. Filem iki banjur dirilis tanggal 8 Februari 1915.

Filem iki suwéné telung jam lan asliné dicaosaké ing rong bagéan sing binagi déning sawijining intermisi; filem iki filem 12-reel kapisan ing Am;erika Sarékat. Crita filem iki ngenani rélasi antara rong kulawarga sajeroning Perang Sipil Amérika lan éra Rékonstruksi: kulawarga Stoneman sing pro Lor lan kulawarga kidulan Cameron sing pro konfédérasi. Rajapatiné Lincoln déning John Wilkes Booth iku didramatisir.