Tès Slump Beton

Tès slump beton ngukur cuwèr kenthelé campuran beton sing arep kanggo ngecor. Tès iku kerep dikanggokaké amarga piranti lan carané climen. Kanggo gunggung cor sing akèh, tès slump bisa kanggo meruhi ajeg orané kenthelé beton 

Prosedur

• 
  Conthong Slump
• 
  Njojoh udhegan cor
• 
  Njabut conthong
• 
  Ngukur dhuwure slump

Tès iki katindakaké kanthi nganggo kerucut wesi kang karan kerucut slump utawa kerucut Abrams, kang bolong ing ndhuwur lan ngisor lan ana cekelan ing kiwa tengené, uga ana cekelan wesi ing njaba sisih ngisor kiwa tengen kanggo pidakan sikil nalika ngetès. Bolongan ndhuwur nduwe garis tengah njero (dhiamèter) 10 cm, bolongan ngisor garis tengahé 20 cm, dhuwuré 30 cm.

Conthong disèlèhaké ing papan kang rata, atos lan ora nyerep banyu. Kanthi ngidak pidakan, conthong diiseni udhegan beton kang arep kanggo ngecor, ngiseni ora langsung kebak ning kudu ing 3 lapisan. Saben lapisan (kira kira 10 cm) dijojoh ping 25 nganggo jojoh wesi dhiameter 16 mm kang dawane 60 cm. Nalika rampung njojoh lapisan keri dhewe udhegan beton ing ndhuwur pol ndhuwur diratakake. Alon alon conthong diangkat munggah.

Kang diarani angka slump ya iku ukuran mudhune udhegan beton sakwise conthong copot amarga diangkat munggah. Utawa let / jarak vertikal antarané ndhuwure conthong wesi tekan ndhuwure udhegan beton sakwise conthong diangkat..