Stephanie Handojo
Stephanie Handojo (lair 5 November 1991) Anak saka Maria Yustin lan Santoso Handojo wiwit lair wis kena down syndrome. Senadyan nduweni kurangan, dheweke yakin bisa mbuktikake yen awake dhewe bisa nggayuh prestasi dhuwur. Saka cilik Stephanie wis miwiti meluni kegiatan kang positif, khususe ing bidang olahraga kaya déné nglangi lan badminton. Nalika usiane 12 taun dheweke bisa nggayuh juara siji ing kejuaraan porcada. Dheweke wis kacatet ing Museum Rekor Indonesia (MURI) amarga bisa main piano 22 lagu suwene 2 jam. Stephanie uga kapilih makili Indonesia ing ajang Special Olympic World 2011 ing Athena, Yunani, dheweke bisa nggayuh medali emas saka cabang nglangi nomer seket meter gaya dada.[1]
Prestasi[besut | besut sumber]
- Ing usiane 12 taun nggayuh juara 1 ing kejuaraan Porcada
- Jenenge wis kacatet ing Museum Rekor Indonesia (MURI) amarga mampu mainake 22 lagu ing wektu 2 jam
- Nggayuh Medali emas saka cabang nglangi ing ajang Special olypics Wold Summer Games tahun 2011
- Nggayuh Medali emas cabang nglangi ing ajang Special olympics Asia-Pacific 2013 ing Australia
- Nggayuh Medali perak cabang nglangi ing Amerika Serikat pada 2014
- Dadi wakil Indonesia sing nggawa obor Olimpiade London 2012
- Stephanie wis ping pindho diundang ing Istana Kepresidenan[2]
Kauripan[besut | besut sumber]
Akehe prestasi kang bisa digayuh nalika iki tentu ora teka sakgampange malik telapak tangan, mbutuhake wektu kang dawa lan usaha kerja keras dening Stephanie. Nanging peran sang ibu mbentuk Stephanie dadi wong kang mandiri kuwi gedhe banget. Nalika nglairake putri sulunge kuwi ibune Stephanie ora nyangka minangka anake nyandag tunagrahita. Banjur ngerteni kahanane Stephanie sing kaya mengkana, ibune ora tugel arang, nanging justru kepengin menehi kang sing paling apik kanggo anak sulunge iku. Wong tuane Stephanie dikenalake marang Dhokter kang nduweni anak down syndrome uga. Anak iku ninggal ing usia 16 taun. Saka Dhokter iku ibune Stephanie olih maneka werna buku ngengingi bocah kang nyandhang tunagrahita, sing banjure iku didadekake dasar kanggo nggedhekake Stephanie. Bocah-bocah kaya Stephanie tanpa latian sing tlaten angel kanggo nglakokake perkara-perkara cilik lan rutin.
Tepak prestasi Stephanie Handojo wis ana ing ngendi-endi. Mulai saka juara 1 ing bidang nglangi seket meter gaya dada ing Pekan Olahraga Nasional Special Olympic Indonesia 2010, juara siji seket meter gaya dada ing Special Olympic World Summer Games 2011 Athena. Mecahake rekor MURI main piano 22 lagu ing waktu mung 2 jam. Prestasi sing wis akeh digayuhke iku bisa dadi ajang kanggo mbuktikake marang masyarakat minangka bocah kang nduweni kekurangan kaya déné down syndrome iku bisa nglakoni pirang-pirang kegiatan sing bisa ngasilake prestasi kang gawe bunggah wong-wong ing sakupenge. Ing sisi liya, wong tua sakjroning ngrumati lan ngajarake ndadikake wong kang nduweni prestasi dadi titik penting. Wong tuane tanggung jawab lan nduwe komitmen kanggo ndhidik Stephanie lan ndhukung sarta ngarahake supaya bisa dadi wong kang mandiri, senadyan ora gampang menehi arahan lan katentraman marang bocah kang nduweni down syndrome.
Sawijining perkara kang dibutuhake dening bocah-bocah down syndrome yaiku stimulasi supaya dheweke bisa nglayani awake dhewek kaya déné bocah kang normal ing umume. Ing pungkasan iki wong tuane Stephanie nglebokake ing sekolahan umum, malah nalika SD tekan Sekolah Kejuruan Industri Pariwisata Perhotelan Stephanie sekolah ana ing sekolahan umum. Wong tuane Stephanie ora gampang nglebokake anake ing sekolahan umum. Dheweke kudu akeh lumebu metu sekolah lan nerangke Stephanie. Ora ditrima lan diece wis kerep dilkoni, nanging kudu tetep dilakoni minangka wujud dhukungan kanggo anake. Saka kaloro adhike juga ora luput tansah ndhukung Stephanie. Bocah telu kuwi mesthi guyup rukun ing kabèh perkara. Nalika Stephanie usiane 12 taun, dheweke pernah kelelep ing kolam, prastawa kasebut sempet ndadekake stephanie trauma. Nalika lomba Stephanie mung gelem ing posisi strart siji utawa wolu, sing cedhak ing pinggiran kolam, dadi yen umpaa dheweke ngrasa arep kelelpe dheweke bisa cekelan pinggirane kolam. Akibat trauma iku Stephanie kadang-kadang mual lan muntah sakdurunge lomba,nangng alon-alon trauma kuwi ilang.
Ora kepengin anake bergatung karo wong liya, wong tuane Stephanie nggawekake usaha londry kang dikelola dening Stephanie uga didampingi dening ibune. Sakdawne iki wis ana telung usaha londry kang dijalanake dening Stephanie, londry iku dijenengi "Dres Care" sing panggonane ana ing Kelapa Gading.[3]
Rujukan[besut | besut sumber]
- ↑ "Stephanie Handojo, Atlet Tunagrahita yang Berprestasi". detiksport. Dibukak ing 2019-05-20.
- ↑ Times, I. D. N.; Nisitasari, Wimala. "Stephanie Handojo: Tunagrahita yang Sukses Jadi Atlet di Kancah Internasional". IDN Times (ing basa Indonesia). Dibukak ing 2019-05-20.
- ↑ Liputan6.com (2015-03-22). "Sosok Dibalik Prestasi Anak Down Syndrome Stephanie Handojo". liputan6.com (ing basa Indonesia). Dibukak ing 2019-05-20.