Senggani (piranti gamelan)
Senggani ya iku waditra gamelan kang pérangan pengasil munié wilah-wilahé kang digawé sing kaca atawa gelas[1]. Senggani wis beli lazim kanggo waditra gamelan sekien. Kaanan senggani mung diweruhi sing prasasti-prasasti kuna[1]. Ari dideleng sing bentuk lan rupaé, senggani iki versi séjén sing waditra saron kang nganggo bahan logam. Waditra iki manjing ning golongan waditra wilah. Swara kang diasilaken perkiraané alus[2]. Tangga nada kang ana ning senggani iki mengkin kaya waditra saron ya iku ana nada laras pélog lan laras slendro. Cacah nadaé ana siji nganti rong gembyang. Cara ngasilaken muni ya iku ditabuh ning wilahé. Piranti kanggo nabuhé iku cacahé siji nganti loro lan sebutané tabuh senggani[1].