Sekretariat Wakil Presiden Kamentrian Sekretariat Negara Indonesia

Saka Wikipédia Jawa, bauwarna bébas abasa Jawa
Logo Setneg

Sekretariat Wakil Présidhèn inggih punika salah satunggaling lembaga ingkang mapan wonten ing sak ngandhaping Kamentrian Sekretariat Nagara Indonésia. Sekretariat Wakil Présidhèn gadhah tugas kanggé ngawontenaken pinaringan panyengkuyung teknis lan administrasi bab rumah tangga lan kaprotokolan dhateng Wakil Présidhèn, saha analisis kanggé mendhet kawicaksanan Wakil Présidhèn kangg ngawontenaken pamaréntahan lan pambangunan. Sekretariat Wakil Présidhèn dipunpandhegani déning satunggal Sekretaris Wakil Présidhèn ingkang mapan wonten ing sak ngandhaping lan gadhah tanggel jawab dhateng Mentri Sekretaris Nagara.

Fungsi[besut | besut sumber]

Sekretariat Wakil Présidhèn kanggé nindakaken tugasipun gadhah fungsi kados makaten:

  1. Nyamektakaken lan nindakaken adicara ing lingkup kanagaran lan adicara sanѐsipun ingkang dipunpandhegani utawi dipunrawuhi déning Wakil Présidhèn, lan adicara sanѐsipun ingkang dipunrawuhi Wakil Présidhèn lan utawi garwanipun Wakil Présidhèn.
  2. Nyamektakakaken lan nindakakaken adicara tindakanipun Wakil Présidhèn lan utawi garwanipun Wakil Présidhèn saé punika ing lebet nagari utawi ing manca nagari.
  3. Nyamektakakaken data, informasi, telaahan utawi kajian, laporan ngengingi perkawis- perkawis ingkang gayut kaliyan tugas Wakil Présidhèn kanggé mbiyantu Présidhèn kanggé nindakaken pamarѐntahan nagara ing padatanipun, ugi kanggé nindakaken tugas- tugas tartamtu ingkang dipunparingaken déning Présidhèn dhateng Wakil Présidhèn.
  4. Nindakaken gayutan lan kerja sama kaliyan lembaga tinggi nagara, departemen lan lembaga pamarѐntahan sanѐsipun, saha pihak- pihak sanèsipun ingkang dipunbetahaken kanggé damel lancar lampahing tugaspiun.
  5. Ngrencanakaken program lan anggaran kanggé damel lancar lampahing tugas- tugas Wakil Présidhèn.
  6. Nyamektakaken bahan kanggé paring katrangan pers lan pawartos dhateng media massa, saha layanan kanggé narjemahaken
  7. koordinasi kaliyan unit- unit kerja sanèsipun ing lingkungan Sekretariat Nagara lan Sekretariat Kabinet, kanggé paring panyengkuyung teknis lan administrasi kanggé lampahing tugas- tugas wakil présidhèn
  8. paring panyengkuyung teknis lan administrasi ingkang dipunbetahaken kanggé damel lancar lampahing tugas penaséhat utawi tim karya ingkang badhé dipuntemtokaken ing salajengipun kanggé mbiyantu wakil présidhèn
  9. ngawontenaken pelayanan karumahtanggan dhateng wakil présidhèn lan utawi garwanipun wakil présidhèn
  10. ngawontenaken pelayanan kaprotokolan dhateng Wakil Présidhèn lan utawi garwanipun wakil présidhèn.
  11. paring pitedah- pitedah teknis ing babagan karumahtanggan dhateng para ajudan wakil présidhèn lan ajudan garwanipun wakil présidhèn saha dhokter pribadi garwanipun wakil présidhèn.
  12. koordinasi kaliyan tim dhokter kapresidhènan kanggé paring layanan keséhatan wakil présidhèn lan utawi garwanipun wakil présidhèn
  13. pengelolaan kauangan ing lingkungan sekretariat wakil présidhèn
  14. Pengeloaan anggaran mirunggan wakil présidhèn
  15. Layanan administrasi umum ing lingkungan Sekretariat Wakil Présidhèn
  16. Nglampahaken fungsi- fungsi sanѐsipun ingkang dipunparingaken déning Wakil Présidhèn

Organisasi[besut | besut sumber]

Sekretariat Wakil Présidhèn kapérang dados:[1]

  1. Deputi Sekretaris Wakil Présidhèn Babagan Pulitik [2]
  2. Deputi Sekretaris Wakil Présidhèn Babagan Ékonomi
  3. Deputi Sekretaris Wakil Présidhèn Babagan Kasejahteran Rakyat lan Penanggulangan Kemiskinan
  4. Deputi Sekretaris Wakil Présidhèn Babagan Tata Kelola Pamaréntahan
  5. Deputi Sekretaris Wakil Présidhèn Babagan Administrasi

Cathetan suku[besut | besut sumber]

  1. ^ Struktur Organisasi (dipunundhuh tanggal 1 Pebruari 2013)
  2. ^ Sekretariat Wakil Presiden (dipunundhuh tanggal 1 Pebruari 2013)