Sasradiningrat III

Kangjêng Radèn Adipati Sasradiningrat III pêpatih karaton dalêm Surakarta (P.B.VII. 11 t, VIII 4 t, IX 5 t = 20 taun), kaparingan momongan putri dalêm P.B. IV pêputra Radèn Mas Tumênggung Arungbinang, sasedane kaparingan momongan manèh putri dalêm P.B. VII ora patutan seda sumare Jabung, iku putrane:

Radèn Tumênggung Arungbinang, putrane

Kiyai Tumênggung Ănggawăngsa, putrane

Kiyai Tumênggung Wuragil, putrane

Radèn Bêkêl Wirabumi, putrane

Radèn Lurah Wirabumi, putrane

Radèn Tumênggung Wăngsadirja ing Pagêlèn, putrane

Pangeran Bumidirja, putrane

Ingkang Sinuhun Kangjêng Susuhunan Adi Prabu Anyakrawati: sumare Krapyak.^[1]

Sadurunge dadi patih, dadi bupati ing Bumi Sewu (Purworejo) aran Radèn Tumênggung Arungbinang III, ngalih nama Radèn Tumênggung Jayanagara I^[1]

Rujukan

↑ ^a ^b Padmasusastra. Layang Bauwarna - 1898 (ing basa Jawa).

[:0-1] Padmasusastra. Layang Bauwarna - 1898 (ing basa Jawa).

[1]