Sapi suci

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Ing agama sing paling tuo sadonya, Hindhu, sapi iku diarani suci utawa dikurmati banget. Hindhu iku ora nyembah sapi, nadyan sapi iku dimulyakaké. Alesan iki ana gandhèngané karo panganggoné sapi ing patanèn lan sipat alus. Hindhu banget ngandelaké sapi kanggo pancagawya, ngluku, lan léthongé dadi bahan bakar lan rabuk. Mula, sapi iku diarani 'baureksa' utawa citraning ibu. Sawijining Dèwi Hindhu sing adhaté muncul mawa wujud sapi iku ajeneng: Bhoomi (ভূমি). Dhèwèké iku dadi pralambang bumi. 

Akèh-akèhé wong Hindhu ngajèni sapi awit sipat apiké sing dadi pralambang ajaran utama agama Hindhu, tan milara (ahimsa). Sapi uga dadi pralambang mertéga (ghee) lan karosan. Sapi iku diajèni banget ing masarakat, lan wong Hindhu ora mangan iwak sapi, nanging iwak sapi iku wis umum dipangan déning wong Hindhu ing anak buwana India, kaya ta Hindhu Tamil ing Malaysia. Ing akèh-akèhé Negara Pérangan India (27 saka 29 nagara), mangan utawa duwé iwak sapi dianggep ilégal. Ing kala kawuri, sapi kuwi mung diduwèni wong-wong sing begja utawa sugih kaya déné emas utawa dhuwit ing kala saiki.