SMK Negeri 8 Surakarta

SMK Negeri 8 Surakarta utawa sing kerep diarani SMKI (Sékolah Menengah Karawitan Indonésia) yaiku salah siji sekolah seni tingkat SMA sing ana ning Indonésia, khususé kesenian Jawa. SMK Negeri 8 Surakarta mapan ing Kutha Surakarta, sing alamaté ana ing Jl. Sangihe, Kepatihan Wétan, Kecamatan Jèbrès.

Visi lan Misi

Visi

Mujudaké tamatan sing bisa nglesatariikaké seni budaya lan bidang téknologi sing nduwèni karakter uggul lan peduli marang lingkungan.

Misi

1. Nanemké piwulangan babagan keimanan lan ketakwaan marang Gusti Ingkang Maha Kawasa.
2. Nukulaké semangat angleluri seni budaya lan ngembangake téknologi.
3. Nyiapaké tamatan sing disiplin, kréatif, mandiri, lan tanggung jawab liwat prosés mulang sing kréatip lan èfsièn.
4. Ngupayakaké tindakan njaga lan tumindak nyegah sing isa ndadèkaké pencemaran lan rusaké lingkungan.
   

Jurusan

Sekolah sing nduwèni motto SMK Pelestari Budaya, Berkarakter, Professional, Membumi dan Mengglobal Yang Berwawasan Lingkungan (SMK sing nglestarikakée budaya bangsa, nduwèni karakter luhur, profésional,  kondhang ing mancanegara lan nduwèni wawsan lingkungan) iki kapérang dadi 6 jurusan. Yaiku saka sing paling tuwa Seni Karawitan wiwit tahun 1950, Seni Tari, Seni pedhalangan, Seni musik non klasik, Multimèdia, lan sing kèri déwé jurusan Telévisi lan film. Sebeneré ana jurusan Seni Téater. Lan lagi-lagi wae iki buka jurusan anyar Penataan Karawitan lan tari sing kudu ditempuh 4 tahun.

Sejarah

SMK Negeri 8 Surakarta diadegaké karana inisiatif seniman lan ahli budaya, utamané ing lingkungan Karaton Surakarta, sing diwiwiti déning GPH. Soerio Hamidjojo (minangka ketua panitia). Sawisé kabèh dianggep kanthi ati-ati lan pritungan sing mapan, Menteri Pendidikan lan Budaya Republik Indonésia, Nomer: 554 / K / 3-b, tanggal 17 Juli 1950, mutusaké pendirian Konsèrvatorium Karawitan Indonesia ing Surakarta, sing dibukak tanggal 27 Agustus Agustus 1950. Kanthi jeneng: Konsèrvatorium Karawitan Indonesia (KOKAR). Jurusan sing dibukak yaiku: Seni Karawitan sing dumadi saka 2 program pendhidhikan, antara liya: Instrumèntalis utawa kepenake sing terjun langsung ning gamelan lan Guru Karawitan.

Ing taun 1976 selaras karo Keputusan Dirèktorat Pendidikan Menengah Vokasional, Nomer 0292 / 0/1976 tanggal 9 Desember 1976, owah-owahan jeneng Konsèrvatorium Karawitan Indonesia diganti dadi Sekolah Menengah Karawitan Indonesia, singkatan minangka SMKI. Institusi Pendidikan sing nyiapake siswa dadi karyawan kelas menengah sing duwé pengetahuan, katrampilan lan sikap minangka seniman tingkat pertengahan ing babagan musik, tari lan pedhalangan.

Taun 1997 miturut Keputusan Menteri Pendidikan lan Budaya RI. 036 / 0/1997, 7 Maret 1997 babagan Perubahan jeneng Sekolah Menengah Karawitan Indonesia (SMKI) Surakarta ngganti jenengé dadi Sekolah Vokasional Surakarta 8 utawa Sekolah Vokasional Surakarta 8, kanthi Divisi Keahlian Seni Performing sing kaperang dadi papat Program Keahlian yaiku: Seni Karawitan, Tari, Pedalangan lan Musik.

Fasilitas

1. Ruang Teori, ruangan kelas sing dinggo teori iki gantian.
2. Praktik/Studio Karawitan, Ruangan kanggo praktèk karawitan kapérang dadi papat. Yaiku, ruangan sing isiné gamelan lengkap pélog lan sléndro kanggo praktèk bareng-bareng lan sindhèn, ruangan khusus kendhang kanggo  praktèk ngendhang, ruangan praktèk rebab kanggo khusus praktèk rebab, lan ruangan khusus gendèr kanggo khusus praktèk nggendèr.
3. Ruang Praktik/Studio Tari, Ing ruangan iki isiné panggonan sing amba diubengi kaca gedhé.
4. Ruang Praktik/Studio Pedalangan, ing njerone studio pedhalangan ana gamelan komplit slendro pelog lan wayang sak kothaké.
5. Ruang Praktik/Studio Musik,
6. Open Stage utawa panggung terbuka, iki biasané dinggo latihan bocah-bocah téater lan kanggo bocah tari. Kadang ing panggung iki uga diènekaké pertunjukan.
7. Auditorium, Ruang auditorium iki kanggo ngènènakaké pertemuan-pertemuan lan kanggo nglangsungake ujian Tugsa Akhir saka kabèh jurusan. Kadang gedhung iki uga diséwa kanggo acara seminar, lomba, lan mantènan.
8. Pendapa / Joglo, Pendapa utawa Joglo biasané kanggo praktèk lan nglangsungakè pertunjukan rutin saben wulan.
9. Ruang Studio Rekaman
10. Ruang laboratorium Komputer
11. Ruang laboratorium Bahasa
12. Ruang laboratorium ultimedia
13. Ruang Perpustakaan
14. Lapangan tenis
15. Lapangan Voly
16. Masjid
17. Hotspot
18. Koperasi siswa
19. Kantin
    

Kagiyatan rutin

1. Malem Selasa kliwon. Saben malem iki bakal ana uyon-uon utawa gegendhingan jawa klasik sing diisi siswa-siswi saka jurusan karawitan lan dibanjuraké saka kelompok karawitan njaba. Biasané kegiatan kaya iki wiwit jam 7 bengi nganti jam 24.00
2. Pitulasan. Saben tanggal 17 bengi bakal ana penampilan saka siswa-siswi jurusan musik.
3. Nemlikuran. Saben tanggal 26 bengi bakal ana penampilan kolaborasi antarani siswa siswi kabèh jurusan lan alumni.
4. Pitulikuran.  Saben tanggal 27 bengi iku dadi acarané jurusan pedhalangan.
5. Sangalikuran. Saben tanggal 29 bengi  iku bakal dadi acarani jurusan tari. Saka tari alusan, gagahan, bakal ditampilke.
   

Akrèditasi

1. Seni Karawitan: Akrèditasi A,  éntuk biji akrèditasi  93.
2. Seni Tari: Akrèditasi A, éntuk biji akrèditasi 95.
3. Seni Pedhalangan: Akrèditasi A, éntuk biji akrèditasi  93.
4. Seni Musik: Akrèditasi A, éntuk biji 92.
5. Multimèdia: -
6. Program Telévisi   & Film: -
7. Penataan Karawitan: -
8. Penataan Tari: -