Rishi Sunak

Sunak ing taun 2022

Rishi Sunak (basa Inggris: /ˈrɪʃɪ ˈsuːnæk/; lair 12 Mei 1980) iku pulitikus Britanie, sing tau dadi Perdana Menteri Karajan Manunggal Britanie Agung lan dadi pesirahé Parté Konservatif wiwit Oktober 2022 nganti Juli 2024. Dhèwèké wong turunan India kapisan lan wong sing agama Hindu sing dadi perdana menteri Karajan Manunggal Britanie Agung lan Irlan Lor.

Sunak lair ing Southampton saka wong tuwa turunan India sing ngalih menyang Inggris saka Afrika Wétan ing taun 1960-an. Dhèwèké sinau ing Winchester College, sinau filsafat, politik lan ékonomi ing Lincoln College, Oxford, lan éntuk gelar MBA saka Universitas Stanford ing California minangka Fulbright Scholar. Sajroné wektu ing Universitas Oxford, Sunak magang ing Kantor Punjer Konservatif, lan nggabung karo Parté Konservatif. Sawisé lulus, Sunak nyambut gawé ing Goldman Sachs lan banjur dadi mitra ing perusahaan hedge funds The Children's Investment Fund Management lan Theleme Partners.

Sunak kapilih dadi anggota DPR (House of Commons) ing taun 2015.

Gladri foto

• 
  Rishi Sunak karo Présidhèn Joe Biden ing Bali, Indhonésia (2022)
• 
  Rishi Sunak karo Perdana Menteri Indhia Narendra Modi ing Bali, Indhonésia (2022)
• 
  Rishi Sunak karo Présidhèn Ukraine Zelinskiy ing Kiyèf (2022)
• 
  Rishi Sunak karo kulawargané nyicipi mangan awan saha ngrayakaké kajumenengané Raja Charles III (2023)

Pranala njaba

• Situs wèb resmi
• Kaca profilé ing House of Commons