Ralph Neville Hermon Bulmer

Saka Wikipédia Jawa, bauwarna mardika basa Jawa

Ralph Neville Hermon Bulmer ya iku ahli antropologi saka Hereford, Karajan Manunggal[1]. Pandhidhikané Ralph Bulmer saka ing Cambridge olèh gelar BA taun 1953 lan ing Australian National University (Ph.D) taun 1960[1][2]. Panlitian kang wis dilakoni déning Ralph Bulmer ya iku ing Sor-Vayanger, Lapland (1950), Papua Nugini (1954 lan 1960)[1]. Dhèwèké wis nulis karya-karya antropologis kaya déné ‘Why is the Cassowary not a bird? A problem of zoological taxonomy among the Karam of the New Guinea Highlands’ ing jurnal Man (1967) lan Birds of My Kalam Country (1977)[1][2]. Pakaryan ètnografiné Ralph Bulmer ing bebrayan Kalam ing Papua Nugini iku minangka tuladha standar panlitian kanggo ètnobiologi lan ètnozoologi[1]. Fokus panlitian dhèwèké iku ing bab antropolog Melanesia. Ralph Bulmer uga dadi profésor ing departemen antropologi Univerisity of Papua New Guinea (1968-1974) lan profésor sosial antropologi ing University of Auckland (1974-1988)[1].

Rujukan[besut | besut sumber]

  1. a b c d e f Amit, Vered (2004). Biographical dictionary of social and cultural anthropology. London: Routledge. kc. 110. ISBN 020364459X. OCLC 436848672.
  2. a b "Journal of the Polynesian Society: Obituary, Ralph Neville Hermon Bulmer, P 369-370". www.jps.auckland.ac.nz. Diarsip saka sing asli ing 2018-02-15. Dibukak ing 2017-12-20.