Révolusi Industri
Révolusi Industri iku fénoména sosial-ékonomi sing kadadéan ing Donya Wétan sajeroning abad kaping 18 lan 19. Révolusi iki diwiwiti ing Britania Raya lan sawisé iku nyebar ing Éropah. Nalika iku cacahé sing ndunungi donya lan pangasilan donya dadi munggah tikel akèh. Révolusi iki dumadi awit ana telung faktor sing nyengkuyung: olèhé mesin-mesin digawé sing ngganti pagawéan manungsa, panggunan kukus lan sawisé iku sawatara tenaga liyané sing ngganti tenaga otot manungsa utawa kéwan lan anané pabrik-pabrik.[1]