Présidhèn Uzbèkistan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Présidhèn Républik Uzbèkistan
Oʻzbekiston Respublikasining Prezidenti
Emblem of Uzbekistan.svg
Lambang Uzbèkistan
Mirziyoyev cropped.jpg
Sing pinuju ngayahi wajib
Shavkat Mirziyoyev

kawit 8 Sèptèmber 2016
PidalemPura Présidhèn Oqsaroy, Tashkent
Sing milihPilihan rakyat
Suwéné ngayahi wajib5 taun, dianyari pisan[1]
Sing pisanan ngayahi wajibIslam Karimov
Formasi24 Maret 1990 (Présidhèn RSS Uzbèk)
1 Sèptèmber 1991 (Présidhèn Uzbèkistan)
Situs jaringanwww.press-service.uz

Présidhèn Républik Uzbèkistan (Basa Uzbèk: Oʻzbekiston Respublikasining Prezidenti, Ўзбекистон Республикасининг Президенти) iku lurahing praja lan lurahing otoritas èksekutif ing Uzbèkistan. Kalungguhan présidhèn dikukuhaké ing taun 1991, nggantèni kalungguhané Pangajeng Présidhiyum ing Sovyèt Adiluhung tumrap RSS Uzbèk sing wis ana wiwit taun 1925. Présidhèn dipilih langsung kanggo ngayahi wajib nyekel panguwasa suwéné limang taun déning warga Uzbèkistan sing umur 18 taun sapandhuwur.[2]

Islam Karimov iku Présidhèn Uzbèkistan siji-sijiné sing ngayahi wajib suwéné 25 taun sawisé kalungguhan présidhèn dikukuhaké. Dhèwèké menang ping telu terus-terusan ing pilihan umum lan akèh sing ngarani dhèwèké tumindak urik. Kapilihé dhèwèké sing ping telu njalari akèh perdondi amarga dhèwèké wis kapilih ping pindho, lan undhang-undhang sing lumaku uga ngatur yèn wong sing padha mung bisa dadi présidhèn ping pindho utawa rong kalamangsa. Panjlèntrèh resmi mratélakaké yèn kalamangsané sing kapisan sing suwéné limang taun mono lumaku mawa undhang-undhang lawas sing durung ana wewatesan kaya ing undhang-undhang anyar.

Dhèwèké séda nalika isih nyekel panguwasa dhèk 2 Sèptèmber 2016. Parepatan barengan déning rong paheman ing Majelis Agung Uzbèkistan nanggehan Maha Mantri Shavkat Mirziyoyev minangka présidhèn sawatara dhèk 8 Sèptèmber 2016.[3] Pamilihé Mirziyoyev wis diatur supaya dhèwèké nerusaké pérangan gedhé rancanganing Karimov ing bab nétralitas lan marsudi tata-tentrem ing Asiah Tengah lumantar tembayatan sing satimbang karo praja-praja tangga-teparoné lan praja-praja adikuwasa kaya ta Ruslan, Cina, Amérikah Sarékat.

Réferènsi[besut | besut sumber]

  1. "Constitution of the Republic of Uzbekistan". constitution.uz (ing basa Inggris). Dijupuk 2017-11-05. 
  2. "Constitution of the Republic of Uzbekistan". www.gov.uz (ing basa Inggris). Dijupuk 2017-11-05. 
  3. "Uzbek parliament appoints PM Mirziyoyev as interim president". Dijupuk 8 September 2016.