Pitulung:Cara nulis aksen

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Aksara kanthi aksèn utawa tandha diakrétik kagunakaké ing Ejaan Sriwedari lan naskah seka jaman kuna. Tandha-tandha iki bisa kagawé kanthi fasilitas sing ana ing Wikipedia utawa nganggo program komputer sing umumé kanggo ngetik.

Gandhèng ana manèka warna komputer sing ana, mula ing kéné panjenengan bisa milih dhéwé. Software komputer umumé wis nyediakaké péta tombol (characters map) utawa simbol-simbol sing bisa kasisipaké. Ing kéné, kasediakaké cara liya sing luwih kepénak.


Cara liya nganggo trik ing Microsoft Word[besut | besut sumber]

Apa sing kagunakaké iki bisa kagunakaké ing Ejaan Anyaran, nanging uga bisa kanggo nulis kanggo éjaan Sriwedari. Cara iki migunakaké fitur “AutoCorrect” sing ana ing Microsoft Word lan uga OpenOffice. Ing kéné, conto kajupuk seka pituduh kanggo éjaan anyaran sing kagagas déning Ki S. Brotosumarto. Conto iki nganggo MS Word kapurih bisa nulis aksara “è” kanthi cara nulis “\\” (tanpa tandha petik).

  1. Ing menu ndhuwur MS Word, klik Insert—Symbol. Ing kéné panjenengan bakal bis amirsani kothak simbol kang arupa tabèl aksara-aksara. Golèki aksara “è” lan klik nganti kursor murub dadi biru.
  2. Klik tulisan “AutoCorrect” ing pojok ngisor kiwa. Ing settingan liya panjenengan bisa mirsani seka umumé ing panggonan “Tool-AutoCorrect”.
  3. Golèki tulisan “replace”. Ing jèjèré ana kothak lan isènana “\\”.
  4. Pèjèt “OK”.

Conto kanggo aksara “è” mau bisa kagunakaké kanggo aksara liya, upamané aksara “é”. Nganti tekan angka loro, aksara “è” kaganti “é” lan ing urutan angka 3 “\\” kaganti “//”.

Panjenengan bisa nyoba nulis “//dan” lan kanthi otomatis bakal kaganti dadi “édan”.