Parembugan Cithakan:Infobox U.S. state
State dipertal praja
[besut sumber]Umumé, manawi manut cara Indonésia, tembung state sajeroning kontèks Amérika Sarékat mligi dipertal nagara bagéan utawa nagara pérangan. Tembung pertalan punika panjang sanget lan menawi kapacak ing sesirah artikel utawi kothakinfo njalari katingal kirang saé.
Kula naté maca menawi, staat (tembung Walandi saking state) naté dipunpertal praja. Contonipun ing tèks Narpawandawa punika:
Nalika tiyang ing sabuwana punika taksih wanan, gêsangipun taksih kados kewan, sagêd ugi pancèn dèrèng wontên paos, nanging sarêng manungsa wiwit bêtah tulung-tinulung, punika lajêng thukul wontên praja (= Staat).
Punapa ta ingkang dipun wastani praja (= Staat).
Praja punika miturut kawruh praja (= Staatsrechf) pakêmpalaning tiyang kathah ingkang mawi tatanan, dêdunung nunggil wontên salêbêtipun peranganing buwana, kawêngku dhatêng salah satunggiling pamarentah (= Regering) ingkang inggil piyambak. Wiwit thukuling praja wau lajêng wontên paos, amargi lajêng gadhah kabêtahan, kados ta: nata supados warganipun (= kawula = volk) sampun cêcongkrahan kalihan kancanipun piyambak, ngudi sagêda nanggulangi parangmuka ingkang badhe dhatêng, saha ngangkah sagêda anjêmbarakên wawêngkonipun. Urunaning warga (= kawula) dhateng pakêmpalan (= praja) wau inggih namung bausuku, dangu-dangu ugi wujud pamêdaling siti, urunan wau nalika samantên namung manawi wontên damêl.Kula usul, bokbilih ing Wiki punika, state utawa staat ugi dipunpertal praja kémawon. Cahyo Ramadhani rembugan 30 Agustus 2016 03.28 (UTC)
Ho, sarujuk kula, mathuk déning state dipertal praja. --Tukijo rembugan 27 Sèptèmber 2016 02.18 (UTC)