Papan Anggegana Nagarantara Makau

Palabuhan Udara Internasional Makau

Palabuhan Udara Internasional Makau (Cina Tradisional: 澳門國際機場, Portugis: Aeroporto Internacional de Macau), iku papané ana ing tirah wétan pulo Taipa lan banyu-banyu saindhengingé. Palabuhan udara iki siji-sijiné ing Makau sing dibukak wiwit Novèmber 1995. Sawisé iku palabuhan udara iki wis dadi titik penghubung umum kanggo para penumpang sing lelungan saka Cina Dharatan lan Taiwan, lan uga dadi penghubung utama kanggo tujuan penumpang ing Cina Dharatan lan Asia Kidul-Wétan. Sajeroning taun 2006, palabuhan udara iki ngurusi 5 yuta penumpang lan 220.000 ton kargo.

Kayadéné ing Hong Kong, Makau uga nduwé kawicaksanan imigrasi dhéwé lan minangka sawijining tlatah pabéyan kapisah saka Cina Dharatan. Para musafir saka Makau lan Cina Dharatan kudu ngliwati pamriksan imigrasi lan pabéyan. Pamaburan antara Makau lan Cina Dharatan mula iku dianggep dadi pamaburan internasional.

Sajarah

Palabuhan udara iki dibukak ing Novèmber 1995, sajeroning pamaréntahan Portugis. Sadurungé iku, tlatah iki namung nduwé 2 palabuhan udara sementara waé kanggo montor-montor mabur cilik saliyané sawatara papan pandharatan hélikopter pemanèn. Cathay Pacific ngoperasèkaké dines montor mabur amfibi antara Hong Kong lan Makau ing dasawarsa pungkasan 1940. Siji-sijiné konèksi udara antara Makau menyang Hong Kong iku ing dasawarsa 1990-an dines hélikopter sing dilakokaké déning maskapé East Asia Airlines.

Fasilitas ing Macau:

• Hangar montor mabur amfibi ing pulo Taipa
• Puser Pamaburan Bahari Makau ing palabuhan jaba – sisih kidul-wétan dharatan
• Lapangan udara sementara ing Coloane
• Dermaga fèri Hong Kong-Makau, lapangan hélikopter Makau

Fasilitas

Landhasan pandharatan palabuhan udara iki dibangun ing salurung lemah kasil sagara sing diurug lan diasataké, cedhak karo pulo Taipa ing ngendi tèrminal utama lan fasilitas kontrol lalu lintas udara ana. Landhesan pandharatan iki digandhèng karo terminal mawa rong kreteg gedhé. Landhesan pandharatan 34 iku dipirantèni mawa ILS CAT II.

Palabuhan udara iki didésain nganggo ngamot kapasitas 6.000.000 penumpang sataun, mawa kapasitas 2.000 penumpang per jam. Palabuhan udara iki ora nduwé jam malam. Ing kono ana 24 bilik parkiran montor mabur mawa 4 dalan udara.

Sanadyan ukurané cilik, palabuhan udara iki bisa ngurusi Boeing 747 sing dadi gayutan vital kargo antara prodhusèn lokal lan pasar ing tanah sabrang. Fasilitas catering-é bisa ngladèni nganti tekan 10.000 pakèt hidangan sadina.

Maskapé lan tujuan

Maskapé-maskapé sing kapacak ing ngisor iki ngladèni Palabuhan Udara Internasional Makau:

• AirAsia (Johor Bahru, Kuala Lumpur, Kota Kinabalu, Kuching)
  • Thai AirAsia (Bangkok-Suvarnabhumi)
• Air China (Beijing)
• Air Koryo (Pyongyang)
• Air Macau (Bangkok-Suvarnabhumi, Beijing, Chengdu, Daegu, Guilin, Guiyang, Haikou, Kaoshiung, Kunming, Manila, Nanjing, Osaka-Kansai, Seoul-Incheon, Shanghai-Pudong, Shenzhen, Taipei-Taoyuan, Xiamen)
• Cebu Pacific (Manila)
• China Eastern Airlines (Kunming, Xian)
• Hainan Airlines (Beijing)
• East Asia Airlines (Hong Kong, Shenzhen) - helicopter service
• EVA Air (Kaoshiung, Taipei-Taoyuan)
• Jetstar Asia Airways (Singapore)
• Malaysia Airlines (Kuala Lumpur)
• Shandong Airlines (Qingdao)
• Shanghai Airlines (Shanghai-Pudong)
• Shenzhen Airlines (Wuxi)
• Tiger Airways (Manila-Clark, Singapore)
• TransAsia Airways (Kaoshiung, Taipei-Taoyuan)
• Viva Macau (Busan, Ho Chi Minh City, Jakarta, Sydney, Tokyo-Narita)
• Xiamen Airlines (Fuzhou, Hangzhou, Xiamen)

Maskapé kargo

Maskapé kargo ing ngisor iki ngladèni Palabuhan Udara Makau Internasional (per Oktober 2007):

• Air Macau
• EVA Air Cargo
• Shanghai Airlines Cargo
• Singapore Airlines Cargo
• Northwest Airlines

Manten dines pamaburan

Maskapé-maskapé sing kapacak ing ngisor iki naté ngladèni Palabuhan Udara Makau Internasional:

• Asiana Airlines (Seoul-Gimpo)
• Korean Air (Busan, Seoul-Gimpo)
• Singapore Airlines (Singapore)
  • Silk Air (Singapore)
• TAP Portugal (Bangkok-Don Mueang, Brussels, Istanbul-Atatürk, Lisbon)