PPPKI

Saka Wikipédia Jawa, bauwarna bébas abasa Jawa

PPPKI (Permufakatan Perhimpunan-Perhimpunan Pulitik Kebangsaan Indonésia) iku obahan kaum nasionalis kanggo ngumpulaké kekuwatan ing nusantara.[1] Ir. Soekarno nggagas iki lan ing rapat tanggal 17 – 18 Dhésèmber 1927 ing Bandhung. Ing rapat iki, wakil-wakil saka PSI, Boedi Oetomo, PNI, Pasundan, Sumatranen Bond, Kaum Betawi, lan Kelompok Studi Indonésia setuju nggawé fédherasi parté pulitik kang dijenengi PPKI.[1] Perkumpulan iki diharapké bisa ngumpulaké kakuwatan kang bisa ngadhepi Belandha.[1] Kongrés PPKI kang pertama dianakaké ing Surabaya tanggal 2 September 1928.[1] wakil-wakil parté pilitik ing kono kepéngin déné kongrés iku dadi awal saka obahan kebangsaan ing Indonésia. Ing kongrés iku kapilih Soetomo dadi ketua Majelis Pertimbangan PPPKI. Ing rapat iku dibahas masalah pendhidhikan nasional, bank nasional lan cara nguataké kerjasama.[1] Ing Januari taun 1931 ing Surabaya dianakaké kongrés Indonesia Raya. Ing kongrés iki dimaksudaké kanggo kabehan organisasi pulitik lan organisasi non pulitik.[2]. Nanging amarga wakil saka PSII lan Golongan Merdhéka ora milu kongrés dadi Kongrés Indonesia Raya ora béda karo kongrés PPPKI kaya sing dikepéngini déning Soetomo.[2]

Cathetan suku[besut | besut sumber]

  1. ^ a b c d e (Badrika, I.B.(2006)."Sajarah untuk Kelas XI Program Ilmu Sosial Jilid 2".Jakarta:Erlangga. Hal.210)
  2. ^ a b (Badrika, I.B.(2006)."Sajarah untuk Kelas XI Program Ilmu Sosial Jilid 2".Jakarta:Erlangga. Hal.211)