Omah wingit

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Miturut lapuran, Winchester Mystery House ing Amérika iku ana dhemité.

Omah wingit, omah angker, omah dhemit, utawa pangalapan (cara Indonésia: rumah hantu, cara Inggris: haunted house) ya iku omah utawa yasa liyané sing dianggep ditunggoni dhemit minangka sing mbaureksa. Dhemit iki rupané bisa rohé baku omah sing sadurungé utawa rohé wong sing asring menyang papan kono. Parapsikolog nyebut manawa kaanan singit iku ana gegayutané karo rohé wong mati lan karo pandoné kadadèn wirota tur tragis ing kala kawuri kaya ta rajapati, pati kablaèn, utawa pati nglalu.[1] Jlèntrèhan ngèlmiah ngenani panganggep manawa omah ditunggoni sing mbaureksa ya iku: (1) salah panampa tumrap swara-swara sing lumrah ana ing yasa, (2) tembé ing sajeroning pangimpèn nanging rasané kaya lagi tangi, (3) kena sugèsti, lan (4) pandoné dat racun ing kukuban sing bisa njalari halusinasi.

Ing taun 2005, miturut pungutan swara Gallup, ana 37 persèn wong Amérika, 28 persèn wong Kanadha, lan 40 persèn wong Britis sing pitaya manawa omah iku bisa "ditunggoni".[2][3]

Rujukan[besut | besut sumber]

Cathetan[besut | besut sumber]

  1. Watts, Linda S. (2007). Encyclopedia of American Folklore. Infobase Publishing. kk. 192–. ISBN 978-1-4381-2979-2. Dijupuk 10 May 2012. 
  2. Lyons, Linda (1 November 2005). "Paranormal Beliefs Come (Super)Naturally to Some". Gallup Poll. Gallup. Dijupuk 14 February 2010. 
  3. Moore, David W. (16 June 2005). "Three in Four Americans Believe in Paranormal". Gallup Poll. Gallup. Dijupuk 14 February 2010.