Oktaf Indah

Saka Wikipédia Jawa, bauwarna mardika basa Jawa

Oktaf Indah yaiku salah sawijining wong kang duwé peran penting saka kasuksèsan tim paduan swara SMAN 5 Purwakerta utawa Smalachoir, bisa nyabet 3 emas ana ing 7th Bali International Choir Festival. Oktaf Indah uga salah sawijining guru seni musik ana ing SMAN 5 Purwakerta. Tresna lan dhédhikasi marang musik kacurah dening Oktaf marang Smalachoir. Ora maido yèn katresnané marang Smalachoir tansah ngeteraké Smalachoir marang kasuksèsan.

Babad Urip[besut | besut sumber]

Oktaf Indah lair ing Banyumas, 8 Desember 1970. Kawit cilik dhèwèkè wis seneng nyanyi. Sak orané wis kawit SD kelas 2, Oktaf wis bisa maca not angka. Bakat sěni kuwi tumurun saka almarhum bapaké, S Ugosuwasono, sing uga pemain musik lan gamelan. Konon, jeneng Oktaf iku amarga bapaké seneng musik.

Oktaf naté sekolah ing SD Kristen Sokaraja. Banjur neruske ana ing SMP N 1 Sokaraja lan mulai aktif mèlu kelompok paduan suara. Sakwisé lulus banjur neruske ing SPG N Purwekerta. Ana ing taun 1992, Oktaf lulus D3 ana ing IKIP Semarang jurusan pendhidhikan seni musik. Banjur ing taun 2000, Oktaf lulus S1 saka Universitas Negeri Semarang.

Oktaf Indah banjur krama kaliyan Kuwat Pargiyanto (alm) lan peputra 3; lanang 2 wadon 1.

Pagawéyan[besut | besut sumber]

Saben dinané, Oktaf mulang bab seni musik ana ing SMA N 5 Purwakerta.

Dhédhikasi[besut | besut sumber]

Sak rampungé ngrintis Smalachoir ana ing taun 2005, Oktaf Indah nyekel peran penting ana sak jeroné Smalachoir. Latian rutin kang digelar saben dina, uga anané selèksi alam. Tansah dilakoni kanthi prigel lan temen. Ya amarga saka usaha lan didikan Oktaf Indah mau, Smalachoir bisa dadi juara ana ing 7th Bali International Choir Festival (BICF). Smalachoir dadi juara mau saka kategori Pop and Jazz, kategori Teenager's Choir lan uga kategori Championship Teenager's Choir. Kurang luwih 5 sasi anggoné Oktaf Indah nglatih lan mbimbing 48 muridè saka nyiapké pěnampilan kanggo fèstival kuwi. Murid-muridé mau saka kelas XI lan kelas XII. Susah seneng dilakoni kanthi bareng supaya bisa tampil total ana ing ngarepé juri uga peserta saka mancanegara.

Miturut Oktaf, nglatih nyanyi ana ing sekolah duwéni tantangan dhéwé, amarga saben taun Oktaf kudu nyaring bakat uga minat saka para murid kang dadi anggota anyar. Paduan swara iku, miturut Oktaf, dibentuk saka akeh jenis lan werna swara, mula paduan swara iku nalika nyanyi kudu bisa bareng supaya bisa ngasilké siji swara kang duwèni sonoritas utawa kwalitas kaéndahan swara. Oktaf mesthi pesen marang murid-muridé, yèn paduan swara iku huruf 'p' ana ing tembung paduan ora kena diilangi, amarga menawa diilangi akhiré dadi "adu", sing bisa dadèkaké swarané ora karuan.

Teladhan[besut | besut sumber]

Sakèhing sifat becik saka Oktaf sing bisa dadi teladhan, salah sijiné yaiku dhisiplin. Nalika ana latihan, Oktaf Indah mesthi usaha supaya bisa teka pas wektuné. Lan menawa ana sing telat latihan punjul saka ping 3, diwenehi dhendha utawa paukuman manut saka murid-muridé. Nalika wis lumebu ana ing tim, Oktaf nandurké marang muridé menawa urip iku pilihan. Ya iku kang dadi motto saka Smalachoir, amarga konsekuènsiné akéh lan tantangan paling utama yaiku dhisiplin.

Oktaf luwih seneng yèn nglatih nyanyi, amarga saka latihan iku murid-muridé bisa nyalurkè èksprèsi kanthi apik lan bener. Tresna kanthi terusing atiné marang muridé tansah ngeteraké Smalachoir marang kasuksèsan. Ana ing lomba-lomba tingkat kabupatèn lan provinsi, Smalachoir mesthi dadi juara. Saka mangkana, Oktaf tansah pesen karo murid-muridé supaya ora sombong, aja isin nyanyi, aja nganggep rèmèh marang liyané lan tetep dhisiplin.

Ketua Umum Smalachoir, Siraj Farrasi mbèbèraké yèn Oktaf iku guru kang sabar, uga wis kaya ibu gawè murid-muridè. Kepala SMA N 5 Purwakerta, Tugiyono uga mbèbèraké yèn Oktaf tansah total marang pagawéyané.

Liya-liyané[besut | besut sumber]

Nalika Senin, tanggal 30 sasi Juli taun 2018, ana sing beda saka upacara bendera ana ing halaman SMAN 5 Purwakerta. Para murid uga para guru padha ramé tepuk tangan nyambut kasuksèsan tim paduan swara Smalachoir kang bisa nyabet 3 piala emas ana ing 7th Bali International Choir Festival kang gumelar ana ing Bali. Para murid lan guru padha nyelamati Oktaf Indah kang dadi salah sawijining tokoh ana ing suwalike kasuksesan iku. Kabeh guru sarta murid padha seneng lan bangga saka gegayuhan dhuwur mau.

Nalika tampil ana ing BICF, Smalachoir nggawakake lagu 5 cacahé, yaiku "Anoman Obong", "Sampai Kau Jadi Milikku", "Prahara Cinta" kang kabèh diaransemen karo V Mangsunsongs. Uga "Take Me Home" kang diaransemen karo Roger Emerson, lan "Flight Song" kang diaransemen karo Kim Andre Arnesen. Kanggo persiapan ngadhepi BICF mau, Oktaf nglatih para muridé kanthi teknik imitasi utawa niru. Latian uga dilakoni kanthi saben dina, nganti prei lebaran uga dianggo gawé latian.[1]

Rujukan[besut | besut sumber]

  1. "Oktaf Indah Bernyanyi dengan Hati". Kompas.id (ing basa Inggris Amérika Sarékat). 2018-08-06. Diarsip saka sing asli ing 2020-12-27. Dibukak ing 2019-11-19.