Naraguna:Ikal Jawa

GUA LUWENG JOMBLANG

Gua Jomblang iku gua vertikal sing tipené collapse doline. Gua iki kabentuk amarga proses geologi amblesé lemah sawit-witan sing ana ing dhuwuré, nèng ngisor bumi sing kedadéyané èwonan taun kapungkur. Kedadéyan anjlogé lemah saisiné wau gawé 'sinkhole' utawa sumuran (luweng). Mangkana wau sing marakaké èlok, amarga ing jeroning gua ana kahuripan wit-witan, sing jembaré luweng antawis 50 (sèket) mèter. Mangka dén arani Gua Luweng Jomblang.

Saiki Gua Jomblang dadi papan pangrumatan wit-witan purba lan dén kembangaké dadi papan plesiran minat khusus sing dén gula wenthah karo para warga ing kana. Yèn arep mudhun ing luweng wau, pengelola wis nyepakaké alat-alat kang jangkep, kaya sing dadi sarujukané internasiyonal. Cahya srengéngé sing mlebu sajeroning luweng sing dhuwuré 90-an (sangang puluhan) mèter anggawé sawijining cagak cahya, nyinari 'flowstone' sing èndah sarta gua sing peteng ndedhet. Banyu sing tumètès saka sadhuwuré luweng nambahi èlok. Ora salah yèn akéh wong padha gumun pas mlebu kènè lan nalika nyawang lukisan alam sing pada dén arani "cahya suwarga".

LOKASI

Lokasi Luweng Jomblang ana ing Desa Pacarejo, Kecamatan Semanu, Kabupaten Gunungkidul, Ngayogyakarta.