Wikipédia:Tata cara pamilihé panata

Kaca iki ngenani tata cara pamilihé panata sing lumaku ing Wikipédia abasa Jawa.

• Pamilihé panata diayahi saorané pisan saben tauné. Kala mangsané pamilih nedya dikukuhaké saben tauné.
• Sasuwéné 7 dina (saminggu) nedya dibuka pandhaftaran calon panata ing sawijiné kaca. Dhaftaran binuka kanggo naraguna sing nedya nyalonaké awaké dhéwe utawa pangganggo sing dicalonaké déning naraguna liyané. Mirunggan naraguna sing nyalonaké naraguna liyané, disuwun supaya sesambungan karo naraguna sing dicalonaké ngenani sumedya-orané piyambaké dadi panata.
• Naraguna sing lagi kena ukuman saka panata ora diparengaké nyalonaké awaké dhéwé utawa dicalonaké déning naraguna liyané.
• Sawise kala mangsané dhaftaran mungkas, panata nedya mriksa siji-siji yèn para calon bisa nyukupi sarat-sarat kapanatan kaya ta sing wis dikukuhaké ing pranatan ngenani kapanatan. Para calon panata sing nyukupi saraté nedya digawèkaké kaca pamundhutan swara. Sok sapa baé caloné sing nyukupi sarat nanging ora digawèkaké kaca pamundhutan swara déning panata (bokmanawa miturut panata piyambaké durung nyukupi sarat), bisa ngajokaké bandhing tumrap awaké dhéwe nyang panata.
• Sawisé kaca-kaca pamundhutan swara digawé, para calon wajib awèh konfirmasi sumedyané ing sajeroné 2 dina kanthi napakasmani (awujud tandha alun ~ ping papat) babagan sing dicepakaké. Calon panata sing sawisé 48 jam digawèkaké kaca pamundhutan swara nanging ora awèh tapak asma sumedyané dianggep sida wurung lan kaca pamundhutan swarané ditutup.
• Kala mangsa takon lan jawab dicakaké suwéné 2 minggu (14 dina) kanggo saben calon panata. Ing kala mangsa iki ora ana pranatan yèn takon lan jawabé kudu diagé-agé. Pamrihé, bisa bebarengan olèhé pamundhuté swara diwiwiti. Pitakonan sing diajokaké sawisé kala mangsa takon lan jawab supaya dikirim langsung nyang calon panata lumantar kaca parembugané pamundhutan swara utawa sesambungan priangga.
• Pamundhuté swara nedya diwiwiti ing titi mangsa sing padha uga ditutup ing titi mangsa sing padha. Calon sing kasil ngumpulaké swara cacah 60, kaca pamundhutan swarané bisa ditutup gasik yèn katandhing liyané.
• Panutupé diayahi déning panata lan adegé diayahi déning birokrat agé sawisé antuk mufakat.
• Calon panata bisa kapilih yèn kasil ngumpulaké saorané 25 swara kanthi 70% sarujuk saka naraguna sing padha awèh swara.
• Tata cara lawas pamundhuté swara tumrap para calon panata uga dianggo (gegayutan karo hak swara, sarat adegé, lan kala mangsa pamundhuté swara), lan swara saka naraguna sing durung nyukupi sarat ora kanggo.
• Évaluasi pranatan digelar ing Warung Kopi sarampungé mangsa pamundhuté swara.