Naraguna:Dwi Handayani oke/bak wedhi

PANGALAMAN

Pangalaman pribadi yaiku pangalaman sing wis kelakon.

Jinis pangalaman:

1. Crita lucu yaiku pangalaman kang gawe guyu yen dicritakke maneh bakal ngguyokake wong kang krungu.

Tuladha:

NALIKA ISIH SEKOLAH

Nalika Yitna isih sekolah pinuju ulangan semesteran, dheweke rada kakehan dolan, anggone sinau ya mung srampangan. Mula bareng tekan titi wanci ulangan dheweke rada gragapan. Gandheng atine ora teteg, mula terus gawe cathetan cilik-cilik karepe arep dienggo ngepek. Tenan bareng bel wis muni, cathetan digegem tangan kiwa, lungguh antenf, tangan kiwa sedheku ben ora ketara nggawa kepekan. Lembaran soal dibukak, soal nomer siji diwaca terus bukak kepekan pas banget karo sing ditakokake. Wangsulan terus ditulis kanthi trampil. Bareng tekan soal nomer lima, mbukak kepekan, eeee guru pengawas nyedhaki dheweke. Dheweke rada bingung, kuatir yen konangan. Mula cathetan mau diemut. Sanajan cathetan mau nganggo mangsi sing luntur, dadi tutuke dadi biru kabeh. Cilakane guru pengawas malah takon: ”Piye Le wis rampung?” Wadhuh dheweke bingung, arep wangsulan mengko konagan lagi ngemut kepekan, arep meneng ora penak, ditakoni guru kok meneng wae. Kanggo ngawekani supaya ora konangan cathetan mau diulu sisan, ya rada pendelikan.

2. Crita kang gawe trenyuh yaiku crita manawa wong sing padha krungu dadi melu sedhih.

Tuladha:

ANISA SAIKI MUNG BISA TURONAN

Kabar yen virus polio bali maneh sumebar ing tanah Jawa, gawe kuatir saperangan warga. Kamangka taun-taun kepungkur Indhonesiyah wis mbyawarakake yen Indhonesiyah wis bebas polio. Dadi ya ora nggumunake nalika ana kabar yen bocah warga Jombor RT 1 RW 8 Sukoharjo nandhang lara polio, masarakat kiwa-tengene rumangsa was-was. Anisa Ayu Ananda Saputri (5taun) Kemis (12/5/2005) awan wingi katon turonan ana amben tanpa bisa obah kaya kancane. Mung mripate kang bisa ngulatke nalika ditakonake wong kang padha tilik. Jumiati mung bisa ngelus-elus sikile anake wadon kang nomer loro iku, karo crita yen wis akeh ragad kang dientokake nanging durung ana asile. Untune wae durung thukul. Kaanan kaya ngono mau ora ndadekake wong tuwane nglokro anggone nggolek usada. Kanggo nyukupi ragad mertamba, ibune bocah mau direwangi nyambut gawe nyang Brunai minangka TKW, nganti karo tngah taun. Ananging gandheng ora ana kang sanggup ngopeni bocah mau, mula Jumiati mulih lan ngopeni Anisa. Miturut katrangan saka Dinas Kesehatan Kabupaten Sukoharjo, penyakit kang disandhang Anisa awujud acute flcid paralysis (AFP), minangka salah sijine tengara sakehing penyakit, kalebu polio.

3. Crita kang gawe bungah yaiku crita manawa wong sing krungu melu seneng atine.

Tuladha:

”Bakat nggambarake Mia iki sajak nitis saka Eyang Kakunge”, kandhane Pak Kustono sing uga nduweni bakat nggambar, nanging ora dimupangatke. Kanggo ngipuk-ipuk lan ningkatake bakat nggambare putrine, Pak Kustono kerep aweh pengarahan lan pembinaan. Kejaba iku putrine uga kerep dielokke lomba nggamvat lan mewarnai ing taun 1996. Mia kasil mboyong sawatara juwara, nanging Pak Kustono sing daleme ing Jl. Bawean Surabaya iki isih durung percaya lan marem mirsani asil lukisane putrine. ”Yen ditandhingake karo asil gambarane peserta liyane, gambarane Mia iki isih durung ana apa-apane”, pratelane Pak Kustono ngasor. ”Nanging kok kerep mboyong juwara”, pandheseke Pannjebar Semangat. Asil gambarane Mia sing nduweni bintang Gemini iki, saiki dipajang ing MC. Donald Plaza Surabaya.