Naraguna:AMINATUL NUR AFIFAH/bak wedhi
Kacilakan Asiana Airlines 214
Kacilakan motor mabur Boeing 777 nalika landing ing Bandara Internasioanl San Francisco. Kadadeyan kuwi ing dina Sabtu, 6 Juli 2013. Kacatet motor mabur kuwi nggone maskapai Asiana Airlines Korea kanthi nomor penerbangan 214 sing mabur saka Seoul.
Kacilakan kuwi nggawe 2 wong mati, 181 liyane tatu-tatu, lan 6 kritis saka kabehe penumpang kang ana 291 lan 16 kru. Korban mati yaiku warga negara China. Salah sijine korban mati dibedhek amarga ketubruk mobil emergency. Dudutan kuwi awit awake korban ketemu ora ing jalur landasan.
Motor mabur kuwi mudun kanthi alon lan papane kangisoren. Pilot wis ngreka nambah laku cepete motor mabur kuwi kira-kira 7 detik sadurunge kacilakan kadadeyan. Ananging kacilakan tetep kadadeyan. Miturut asil rekaman kokpit lan data penerbangan, ana panjalukan kanggo nambah cepeting laku motor mabur kuwi. Pilot nyauri pengen mubeng-mubeng disik.
Motor mabur sing nggawa 307 penumpang kuwi crash landing lan kobong. Motor mabur dibedhek nyenggol banyu segara nganti buntute ucul.
Asiana airlines kuwi maskapai paling gedhe nomer loro ing Korea Selatan. Kacilakan kuwi uga sing nomer loro. Kacilakan nomer siji nalika tahun 1993, Asiana Airlines nubruk gunung ing Korea Selatan. Kacilakan kuwi marai 68 wong mati.
Wonten ing televisi, Presiden Asiana Airlines njaluk ngapura amarga kacilakan kuwi mau. Nalika kuwi Yooung-doo, Presiden maskapai kasebut, ngandharake yen kru pesawat iya wong-wong sing wis dilatih. Pilote pesawat kuwi uga wis duweni 10 ewu jam mabur. Nalika kuwi pilote yaiku Lee Jeong-min saha Lee Gang-guk.