Muhrim

Saka Wikipédia Jawa, bauwarna mardika basa Jawa

Mahram,miturut basa Arab, mahram tegesé kang diharamké. Miturut ngèlmu fiqih, muhrim ya iku wanita kang karam dinikah.[1]

Sebabé Wanita Karam Dinikah[besut | besut sumber]

  • 1. Wanita kang karam dinikah amarga keturunan:
  • Ibu kandhung lan sakteruse mendhuwur (simbah putri saka ibu lan simbah putri saka bapak)
  • Anak wadon kandhung lan sakterusé mangisor
  • Sedulur wadon (sekandhung, sebapak, seibu)
  • Sedulur wadon saka bapak.
  • Sedulur wadon saka ibu.
  • Anak wadon saka sedulur lanang lan sakterusé mangisor.
  • Anak wadon saka sedulur wadon lan sakterusé mangisor.
  • 2. Wanita kang karam dinikah amarga gayutan susonan:
  • Ibu kang nyusoni.
  • Sedulur wadon kang sesuson.
  • 3. Wanita kang karam dinikah amarga perkawinan:
  • Ibu saka bojo (maratua).
  • Anak kuwalon (anak saka bojo wong lanang liya), yèn kang lanang wis kumpul karo ibuné.
  • Bojo kuwalon (bojo wadon saka bapak), sinaosa wis dipegat utawa durung.
  • Mantu (bojoné anaké lanang), sinaosa wis dipegat utawa durung.

Kajaba ing dhuwur, Mahzab Hanafi nambah 3 sebab manèh, ya iku:

  • Saresmi kang akad nikahé fasid, kados nikah tanpa saksi.
  • Saresmi amarga ana keliru, saresmi karo wong wadon kang dikira bojoné.
  • Saresmi amarga zina.[2]
  • 4. Wanita kang karam dinikah amarga duwé gayutan tetalèn muhrim karo bojo wadon. Tuladhané, karam nglakoni poligami karo wong loro kang seduluran, tumrap wong wadon karo buliké, tumrap wong wadon karo ponakané. Ngengingi wanita - wanita kang karam dinikah wis difirmanké Allah ing Al-Quran Surah An-Nisa, 4:23.

Cathetan sikil[besut | besut sumber]

  1. Syamsuri,Pendidikan Agama Islam untuk SMA Kelas XII, Erlangga, 2007, kaca 57, Munakahat
  2. [1][pranala mati permanèn](dipundhuh tanggal 1 November 2012)