Data

Data iku cathetan kumpulan fakta. Data minangka wangun jamak saka tembung datum, asal saka basa Latin sing tegesé "sawenèh sing diwènèhaké". Jroning panggunaan sadina-dina data ateges sawijining pratélan sing ditampa sacara apa anané. Pratélan iki arupa asil pangukuran utawa pangamatan sawijining variabel sing wanguné bisa arupa angka, tembung, utawa citra.

Jroning kaèlmuan (èlmiah), fakta dikumpulaké supaya dadi data. Data banjur diolah saéngga bisa ditampilaké sacara jelas lan tepat, lan bisa dimangertèni déning wong liya sing ora langsung ngalami dhéwé, bab iki dijenengaké dhèskripsi. Pamilahan data miturut pepadhan lan prabédan sing dikandhut dijenengaké klasifikasi.