Melayu Pasir Pangaraian

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Basa Melayu Pasir Pangaraian atawa dhialèk Melayu Pasir Pangaraian ya iku subdhialèk Melayu Riau kang ana ning Kacamatan Rambah, Kabupatèn Rokan Hulu, Provinsi Riau. Pasir Pangaraian iku aran kutha krajan Kacamatan Rambah kang nuli dadi aran dhialèk Melayu kien. Géografi dhialèk kien parek karo wewengkon Sumatera Kulon lan Sumatera Lor.

Pasebaran[besut | besut sumber]

Wewengkon penutur dhialèk kien manggon ning désa: Rambah Hilir, Rambah Tengah Utara, Rambah Tengah Hulu, Rambah Hilir Tengah, Rambah Tengah Hilir, Rambah Hilir Timur, Rambah Samo, lan Rambah Samo Barat.

Kaanan basa[besut | besut sumber]

Masarakat Rambah dumadi wong Melayu lan Mandhailing kang agamaé Islam. Masarakat kien uga dwibasa, ya iku nganggo rong basa basa Melayu lan basa Mandhailing. Sanajan dwibasa, penganggoné basa Melayu lan basa Mandhailing ora campur aduk. Ning masjid atawa surau biasaé basa kang dienggo iku basa masarakat sekupengé. Ning tlatah Melayu kang dienggo basa Melayu atawa basa Indonésia, déné ning tlatah Mandailing kang dienggo basa Mandailing. Ning pasar-pasar, basa Melayu lan basa Mandailing dadi basa kanggo dol-tinuku.

Tradhisi[besut | besut sumber]

Tradhisi Melayu kang ana ning Kacamatan Rambah iku jinisé tradhisi sastra lésan. Sastra lésan ditembangnang ning acara kenduri. Cerita kang ditembangnang misalé Panglima Awang. Sedurungé nembang, penembang biasaé mangan sirih dikit.

Conto ukara[besut | besut sumber]

  • Inyolah momaco buku tu
  • Inyo dari Jakarta
  • Ongku tu sodang mongaja
  • Amai tu lah poyi ko lodang tadi

Rujukan[besut | besut sumber]

  • Dahlan, Saidat; dkk. (1990). Struktur Bahasa Melayu Riau Dialek Pasir Pangaraian. Jakarta: Depdikbud.
  • http://www.ethnologue.com/language/zlm