M.R. Dayoh

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

M.R. Dayoh utawa Marius Maramis Dayoh (lair 2 Novémber 1909 ing Arimandidi, Minahasa, Sulawesi Lor - surud 15 Méi 1975) ya iku pujangga sastra Indonésia kang karya-karyané ngandhut irah-irahan nasionalisme.[1] Dhèwèké anak réwang pandhita ing gréja lan nduwé patang dulur.[1] Dhèwèké rabi nalika umur 44 taun karo wong wadon saka Minahasa jenengé Nelly.[1] Saka rabiné iku, dhèwèké nduwé anak cacahé telu, ya iku Hero Suryaatmadja Dayoh, Rochi (Roy) Dayoh, lan Elinora (Elen) Dayoh.[1] Sawisé surud dhèwèké misuwur awit yasané marang Dhiréktorat Kesenian, Departhemén Pendidikan dan Kebudayaan.[1] Iku nglantari bojoné didhapuk dadi pagawé ing Departhemén Pendidikan dan Kebudayaan.[1]

Karya sastra saka M.R. Dayoh kang dhapuré novèl, ya iku Peperangan Orang Spanyol dan Orang Minahasa (1929), Pahlawan Minahasa (1953), Putera Budiman (1941), Ratna Rakyat (1951), Bacaan Angkatan Baru (1952), Mamanua (1981), lan Senyum Sinar (1951).[2] Karya kang dhapuré sajak, ya iku Dalam Percobaan (1940), Hidup Selaras (1946), Berjoang (1951), Pelaut Angkatan Baru (1944) lan sajak-sajak kang tinulis ing Kumpulan Syair untuk ASIB (1935).[2] Saliyané nulis sastra, M.R. Dayoh uga nulis karya non sastra kaya ta Patriot Irian Damai, Irian Barat Pukul Tifa, lan Kenang-kenangan Tahun 30-an dan Sewaktu Pujangga Baru (1969).[3]

Cathetan sikil[besut | besut sumber]

  1. a b c d e f Rustapa 1997, k. 119.
  2. a b Rustapa 1997, k. 124.
  3. Rustapa 1997, k. 125.


Bibliografi[besut | besut sumber]

  • Rustapa, Anita K. (1997). Antologi Biografi Pengarang Sastra Indonesia 1920-1950. Jakarta: Depeartemen Pendidikan dan Kebudayaan. ISBN 979-459-796-3 Priksa gandra |isbn= (pitulung).