Kopi Ijo
Kopi Ijo ya iku sawijining ombénan khas Tulungagung. Kopi iki diarani Kopi Ijo amarga kopi iki digiling karo kacang ijo nganti alus. Kopi kang rupané keijo-ijoan iki disajikne ing lèpèk utawa piring cilik. Bubuk kopi kang alus kerep digawé nyethe amarga rasané nikmat. Kopi ijo kerep kanggo olèh - olèh khas saka Tulungagung. Ombenan iki mung ana ing Tulungagung, amarga durung dikenali karo masyarakat jabané daerah Tulungagung. Salah sijiné Kopi ijo kang melégénda ya iku Kopi Ijo Mak Waris.[1]
Guna[besut | besut sumber]
Kopi ijo nduwèni kaféin kang cendhèk tinimbang kopi ireng. Èfèk kang diasilké saka ngombé kopi ijo iki ora kaya kopi ireng biasané. Umumé kopi nduwèni efek ya iku marai ora ngantuk kanggo wong kang ngombé. Kopi ijo ya nduwèni èfèk iku nanging èfèk kang diasilke ora gedhe kaya kopi ireng. [2] Isi kopi ijo uga nduwèni anti-oksidan kang dhuwur kang gunané kanggo nyegah radikal bebas ing njero awak. Kandungan anti-oksidan iku uga bisa nahan perkembangan sèl kanker. Kandungan iku jenengé asam klorogénat.[2]
Saliyané iku, kopi ijo uga nduwèni guna kanggo ngurangi tènsi dhuwur utawa penyakit getih dhuwur. Iku dibuktikaké dening penelitian ana ing "Clinical and Experimental Hypertension" ing taun 2006 kepungkur. Kopi ijo uga bisa ngéwangi mudhunké bobot. Iku amarga asam klorogenat kang diduwèni karo kopi ijo mau. [2]
Rujukan[besut | besut sumber]
- ↑ "Kopi Ijo Ala Mak Waris Sampai ke Malaysia - Tribunnews.com". Tribunnews.com (ing basa Indonesia). 2013-05-20. Dibukak ing 2018-12-03.
- ↑ a b c "Mengenal Kopi Hijau, Minuman Dengan Kafein Rendah dan Anti-Oksidan Tinggi - Beauty JournalBeauty Journal". journal.sociolla.com (ing basa Inggris Amérika Sarékat). Dibukak ing 2018-12-03.