Klagenfurt

Klagenfurt
Area code(s)	0463
Website: www.klagenfurt.at

Lindwurm Brunnen ing pusat Klagenfurt

Klagenfurt (basa Slowén Celovec) iku kutha krajan praja Karintia (basa Jerman Kärnten; basa Slowén Koroška), ing Ostenrik, dumunung ing bantaran Glan, ing koordinat 46°37′N 14°19′E. Pisanan dipanggoni ing abad angka 12, saiki kang ndunungi watara 90.000 jiwa.

Minangka papan kanggo liburan kanthi pagunungan ing sisih kidul lan lor, taman-taman lan 23 kastil ing tlatah pinggirané. Ing mangsa panas, kutha iki dadi panggonan kanggo festival Altstadtzauber (Sihir Kutha Tuwa), Kontes Ironman lan Bebungah Ingeborg Bachmann, bebungah kanggo sastra Jerman. Kutha tuwa kang pusaté ing "Alter Platz" (Lapangan Tuwa) iku duwé sesawangan kang narik kawigatèn. Landmark khas-é ya iku Wörthersee, Tlaga Alpen kang paling anget ing Éropa, Lindwurm Brunnen (banyu mancur lindorm), lan Kastil Hochosterwitz ing sacedhaké, kastil kang dibentengi ing bukit dhuwur kang mung bisa ditekani liwat jalan spiral munggah.

• 

  Sesawangan ing Lendkanal ing pusat Klagenfurt

• 

  Stadthaus

• 

  Pemakaman Perang Klagenfurt

• 

  Katedral Klagenfurt