Kategori:Jenis Crita
Wayang kulit utawa wayang purwa yaiku wayang sing digawe saka walulang, nyritakake lelakone Ramayana lan Mahabarata. Kajaba wayang kulit, ana sawetawis jenis wayang liyane kayata:
- Wayang wong, yaiku wayang sing paragane wong, uga nyritakake lelakone Ramayana lan Mahabarata.
- Wayang beber, yaiku mori kang digambari wayang ditontonake sarana dibeber, yen wis rampung banjur digulung maneh. Nyritakake lelakone Jaka Kembang Kuning karo Dewi Sekartaji.
- Wayang gedhog, yaiku wayang sing nyritakake lelakon Panji Asmarabangun (Raden Putra) karo garwane Dewi Candrakirana.
- Wayang klithik (krucil), yaiku wayang sing digawe saka kayu gepeng , nyritakake Prabu Kenya, Damarwulan, Minakjingga lan sapanunggalane.
- Wayang golek (thengul), yaiku wayang sing digawe saka kayu awujud golek, nyritakake wong agung Menak (Jayengrana), Umar Maya, lan sapanunggalane.
- Wayang madya, yaiku wayang kulit sing nyritakake lelakon Parikesit saturunane.
- Wayang potehi, yaiku wayang golek kang lelakon wong cina.
- Wayang sadat, yaiku yaiku wayang sing nyritakake lelakon agama islam.
- Wayang suluh, yaiku wayang sing nyritakake sejarah Indonesia lan kanggo panyuluhan.
- Wayang suket, yaiku wayang kang digawe saka suket, crita babagan kahanan saiki lan lumrahe kanggo pitutur utawa kritik marang pamarentah.
https://erislabasajawa.wordpress.com/2016/01/17/jenis-jenis-wayang/