Deleng sumberé Kéblat

{{Islam}}
'''Kéblat''' iku tembung [[Basa Arab|Arab]] kang tegesé arah kang dituju wektu umat [[Islam]] / Muslim ngayahi ibadat [[salat]].

== Sajarah ==
Wiwitané, kéblat iku tumuju menyang [[Yerusalem]]. Miturut [[Ibnu Katsir]],<ref>{{ar}}[[Ibnu Katsir]]. ''Tapsir Ibnu Katsir'', Tapsir Surat al-Baqarah.</ref> Rasulullah SAW lan para sahabat salat madhep arah [[Masjidil Aksa]]. Nanging, Rasulullah luwih seneng salat ngadhep kéblaté Nabi Ibrahim, yaiku Ka'bah. Mulané beliau asring salat antarané 2 pojok [[Ka'bah]] saéngga [[Ka'bah]] dumunung ana antarané panjenengané lan [[Masjidil Aksa]]. Kanthi tumindak mangkono beliau salat sisan ngadhep [[Ka'bah]] lan [[Masjidil Aksa]].

Sawisé ijrah menyang [[Madinah]], cara mangkono mau ora bisa mmanèh. Beliau salat kanthi madhep [[Masjidil Aksa|Baitul Maqdis]]. Beliau asring ndhangak ngentèni wahyu tumurun supaya [[Ka'bah]] didadèkaké kéblat salat. Allah marengaké panyuwuné beliau lan mudhunaké ayat 144 Surat al-Baqarah:

:Bener Aku (asring) ndeleng raimu ndhangak, mula bener Aku bakal mléngakaké kowé menyang kéblat kang mbok senengi. Pléngakna raimu menyang Masjidil Karam. Lan ing ngendi waé kowé dumunung, pléngakna raimu mrana. Lan sayektiné wong-wong (Yahudi lan Nasrani) kang diwènèhi Al Kitab (Torèt lan Injil) pancèn weruh, yèn mléngak menyang [[Masjidil Karam]] iku bener saka Tuhan-é; lan Allah babar pisan ora ''lengah'' (Maksudé yaiku Muhammad asring ndeleng ka langit ndonga lan nunggu-nunggu tumuruné wahyu kang mrintahaké beliau madhep menyang Baitullah).<ref name="Kuran">{{ar}}''[[Kuran|Kuran Al-Karim]]''.</ref>

Uga dicritakaké sajeroning sawijiné kadis riwayat [[Imam Bukhari]]:<ref>{{ar}}[[Imam Bukhari|Al-Bukhari]]. ''[[Shahih Bukhari]]'', kadis no. 41 ing ''Fath al-Bari''.</ref>

:Saka al-Bara bin Azib, yèn Nabi SAW pisanan tekan ing [[Madinah]] beliau mudhun ing dalemé kakek-kakek utawa paman-paman saka [[Anshar]]. Lan yèn beliau salat ngadhep [[Masjidil Aksa]] nembelas utawa pitulas sasi. Lan beliau seneng kéblaté diowahi dadi ngadhep Baitullah. Lan salat pisanan beliau kanthi ngadhep Baitullah yaiku salat Ashar bebarengan karo wong-wong kang mèlu [[makmum]]. Sawisé [[salat]], sawijining wong lanang kang mèlu [[salat]] bareng beliau lunga nuli ngliwati wong-wong ing sawijining [[masjid]] kang lagi [[rukuk]]. Banjur dhèwèké celathu: "Aku ''bersaksi'' marang Allah, bener aku wis salat bareng Rasulullah SAW kanthi ngadhep [[Mekah]]." Wong-wong mau terus ngowahi arah shalaté madhep Baitullah. Lan wong-wong Yahudi lan Ahli Kitab seneng beliau salat ngadhep [[Masjidil Aksa]]. Sawisé beliau mléngakaké rainé menyang [[Baitullah]], wong-wong mau ngingkari bab iku. Sakbeneré sawetara wong mati lan kaperjaya sadurungé pindhahé arah kéblat, saéngga kita ora ngerti apa kang bakal kita kandhakké bab wong-wong mau. Banjur Allah kang Maha Tinggi mudhunaké ayat "lan Allah ora bakal nyia-nyiakaké imanmu" (al-Baqarah, 2:143).<ref name="Kuran"/>

Bab iku kadadéan ing taun [[624]]. Kanthi tumuruné ayat mau, kéblat diganti dadi madhep menyang [[Ka'bah]] ing [[Mekah]]. Saliyané arah salat, kéblat uga minangka arah endhas kéwan kang disembelih, uga arah sirah jenazah kang disarèkaké.

== Nemtokaké arah kéblat ==
[[Gambar:Qibla.png|thumb|right|Perhitungan geometris arah kéblat]]

Sajeroning 1000 taun pungkasan, sawatara matematikawan lan astronom Muslim kaya ta [[Biruni]] wis ngétung kanthi pener kanggo nemtokaké arah kéblat saka warna-warna panggonan ing jagad. Kabèh setuju yèn saben taun ana rong dina nalika [[srengéngé]] persis ing ndhuwuré [[Ka'bah]], lan arah ayang-ayangan srengéngé ing ngendi waé ing donya mesthi ngarah menyang Kéblat. Prastawa mau dumadi saben tanggal [[28 Mèi]] pukul 9.18 GMT (16.18 WIB) lan [[26 Juli]] jam 9.27 GMT (16.27 WIB).

Mesthi waé ing sajeroning wektu mau mung saparo bumi kang éntuk cahya srengéngé. Saliyané iku ana rong dina liya nalika srengéngé persis ing waliking Ka'bah (antipoda), yaiku nalika ayang-ayang srengéngé uga ngarah menyang Ka'bah. Prastawa mau dumadi ing tanggal [[28 November]] 21.09 GMT (4.09 WIB) lan [[16 Januari]] jam 21.29 GMT (4.29 WIB)

== Deleng uga ==
* [[Salat]]
* [[Masjidil Karam]]
* [[Masjidil Aksa]]

== Pranala njaba ==
* [http://www.elahmad.com/maps/qibla-english.htm] Kéblat
* [http://www.republika.co.id/detail.asp?id=268080 Sensitifnya Arah Kéblat]
* [http://www.qibla.com.br Kéblat] Kéblat
* [http://www.qiblah.us Qiblah] Qiblah in north america
* [http://islam.about.com/library/weekly/aa071200a.htm Al-Quds About.com]
* [http://al-islam.org/restatement/21.htm Second Year of the Hijra di al-islam.org]
* [http://www.iwkz.de/layanan/kiblat/ Penunjuk Arah Kéblat] Cara praktis menentukan arah kéblat berdasarkan peta Google.

== Cathetan ==
<references/>

[[Kategori:Islam]]


{{Islam-stub}}