Joseph Bloore
Joseph Bloore (utawa Bloor) (1789–1862) ya iku baku palereban, pandhé bir, lan juru nangguh lemah abad 19 sing ngadegaké Désa Yorkville lan sing ngasali jeneng Dalanan Bloor. Asliné dhèwèké saka Staffordshire sing nuli ngalih menyang Kanadha kala taun 1819 banjur lawas-lawas ngalih menyang désa York, Kanadha Ndhuwur (saiki Toronto). Ana ing kana dhèwèké dadi bleger wiwitan sing utama. Dhèwèké ngendhalèni palereban ana ing Dalanan Ratu (King Street) lan yasa pabrik bir kala taun 1830 ing Lembah Rosedale, cedhak Dalanan Sherbourne ana ing pojok wétan Dalan Konsèsi Siji, sing lawas-lawas kawentar ajejuluk Dalanan Bloor.
Dhèwèké ngadol pabrik biré kala taun 1843 lan nuku salarik palemahan ing cedhak Yorkville. Ana ing kana, karo William Botsford Jarvis dhèwèké nata dalanan nedya pamanguning padunungan.
Dalanan Bloor kawitané kapernah sadalah konsèsi loring Dalanan Naréswari (Queen Street). Dalanané sadurungé kawentar ingaran Dalan Konsèsi Loro lan Dalan Gapura Béya (Tollgate Road). Kala taun 1855, jenengé diganti saperlu ngajèni Bloore. Ora kawruhan kawit kapan lan kena apa hurup 'e'né diilangi.
Dhèwèké disarèkaké ing Pakuburan Nékropolis sing kapernah ing Ratan Sesawangan Teluk (Bayview Avenue) lan Dalan Lembah Rosedale.
Rujukan
[besut | besut sumber]- Kapustakan Rujukan Umum Toronto
- Charles Pelham Mulvany and Graeme Mercer Adam (1885). History of Toronto and County of York, Ontario. C. Blackett Robinson.