Jipang kacang

Jipang Kacang yaiku panganan khas saka Kabupaten Kebumén, Jawa tengah, Indonesia. Jipang Kacang digawé saka bahan prasaja yaiku gula Jawa utawa gula arén lan Kacang. Nggawene yaiku kacang sing wis digiling kasar uga disangrai banjur disiram gula Jawa kenthel nganti ngrata ana ing ndhuwur loyang utawa tampah. Enténi nganti atos terus diiris kothak. Rasané legi lan gurih déné ambuné wangi bangét. Panganan iki yaiku panganan tradhisional saka jaman biyén sing isih ana nganti sapréné. Bedané manggon ana ing bahan pembungkuse. Nek dhisik nganggo godhong gedhang garing, déné saiki nganggo plastik.