Ignatius Tuntas Wijaya
Ignatius Tuntas Wijaya utawi saged dipunsebut wiwit inggih punika tiyang ingkang damel papan panggénan kanggé para usahawan ingkang nyandhang disabilitas. Papan punika dipunparingi nama RUMPUD utawi akronim saking Rumah Usaha Disabilitas wonten ing Jakarta Utara. Ignatius Tuntas Wijaya punika ingkang mbiyantu saha paring solusi kanggé para usahawan ingkang nembé kèmawon badhé ngrintis usaha supados saged mbikak peluang pasar ingkang langkung ageng utawi wiyar. Wiwit ngandharaken bilih usaha punika kedah wonten kolaborasi saha kerjasama kalihan usahawan sanèsipun. Kerjasama kalihan kolaborasi inggih tulang punggung saking Organisasi ingkang sampun dipundamel saking satunggal tahun kapengker. Wiwit badhe paring ruang kangge kanca-kanca penyandhang disabilitas supados saged bersaing wonten ing dunia usaha. Usaha ingkang dipunrintis kalihan Wiwit inggih punika damel kosmètik rumahan saking bahan organik, kadosta sabun, shampo, lotion, scrub lan sapanunggalanipun. Usaha punika sampun karintis saking tahun 2017 lajeng dipunparingi nama Dewijaya Care.
Pawadan usaha punika tuwuh saking gegayuhan ingkang nuduhaken bilih usaha menika dipundamel supados saged ngirit anggenipun medalaken arta. Amargi sadaya bahan ingkang wonten ing pasaran menika kirang trep kalihan badget. Wiwit sampun naté ngecek komposisi kosmetik organik impor ingkang reginipun awis sanget, pramila saking menika Wiwit nyobi madosi bahan-bahan kangge kosmetik wonten ing lingkungan sekitar, ingkang kathah kalihan saged dipunpadosi kanthi gampil. Amargi bahan-bahan ingkang dipunginakaken kanggé damel produk menika sampun katingal jangkep, piyambakipun lajeng nyobi damel produk piyambak.
Saking uji coba produk ingkang sampun katindakaken menika sampun pirang-pirang wulan piyambakipun nyobi damel sabun organik ingkang saé. Wiwit ngandharaken bilih caranipun damel menika "estu learning by doing'' amargi piyambakipun dereng nate damel saha dereng gadhah pengalaman. Sawetawis tigang sasi eksperimen saha uji coba produk menika kalaksanan Wiwit dipunbiyantu dhateng tiyang griyanipun. Saking usaha punika kekalihipun saged damel mapinten-pinten sabun, sampo, pelembab,lan sapanunggalanipun. Kosmetik punika rupi-rupi jinisipun, wonten ingkang saking woh-wohan, wonten ugi ingkang premium, saha wonten ingkang cocok kalihan iklim Asia, lajeng dipunsade wonten ing pasar ekspor. Usaha punika kalakon kanthi lancar, ananging nalika usaha punika nembe wonten ing pucukipun Wiwit kenging musibah, mripatipun boten saged mirsani menapa-menapa malih (tottaly blind), saengga anggenipun nglampahi usaha punika boten kanthi manah ingkang estu. Lajeng wiwit dipunajaki dening kancanipun supados gabung wonten ing Yayasan Mitra Netra. Saking punika wiwit sadar bilih " Kita boten saged mirsani sanès amargi netra, ananging tiyang punika boten saged mirsani nalika pikiran saha manahipun katutup".
Kauripan[besut | besut sumber]
Ignatius Tuntas Wijaya punika mijil wonten ing tlatah Jakarta tanggal 9 april tahun 1983, ignatius punika putra saking pasangan bapa Victorius Sutardji saha Ibu alm Ignatia Hartini[1]
Pendhidhikan[besut | besut sumber]
Pendhidhikan ingkang sampun nate dipunlampahi dening Ignatius (wiwit) punika Sekolah Dhasaripun wonten ing SD Strada ST Ignatius, Jakarta, Lajeng nerasaken wonten ing SMP ST Fransiskus Xaverius, Jakarta, lajeng nerasken wonten ing SMAN 110, Jakarta
Rujukan[besut | besut sumber]
- ↑ Yunus, Saiful (2018-06-12). "Ignatius Tuntas Wijaya, Jauh di Mata, Dekat di Karya". Kompas. Dibukak ing 2019-10-04.