Iddah

Saka Wikipédia Jawa, bauwarna mardika basa Jawa

Iddah, miturut basa, iku asalé saka tembung 'adad (wilanganlan ishaak itung-itungan), tiyang èstri ingkang ngétang lan njumlah dina lan masa haid utawa wanci suci. Miturut istilah, tembung iddah iku istilah kanggo wanita kang ngentèni kawiné sawisé dhèwèké ditinggal mati bojoné utawa sawisé dipegat kanthi ngentèni lairé bayiné utawa entèké quru' utawa entèké sasi kang wis ditamtuaké.[1] Iddah ya iku wanciné ngentèni kanggo wong wadon kang ditinggal mati bojoné utawa pegat saka bojoné supaya olèh nikah manèh karo wong lanang liya. Ancasé iddah ya iku kanggo ndeleng apa kang wadon iku nembé meteng utawa ora. Yèn meteng, anak kang dikandhut brarti anak bojo kang nembé dipegat. Kanggo kang lanang duwé hak kanggo rujuk, wanci iddah iku kanggo mikir apa tetep pegat apa arep rujuk manèh.[2]

Ing pengadilan nalika pegat kanthi hukum

Hukum Iddah[besut | besut sumber]

Iddah wajib kanggo wong wadon kang dipegat déning bojoné, arep amarga mati utawa pegat amarga faktor liya.[3] Dalilé ana ing Q.S. Al-Baqarah:234.

Suwéné Wanci Iddah[besut | besut sumber]

  • 1. Iddah amarga bojoné mati:
  • Kanggo kang wadon kang ora lagi meteng, arep wis kumpul karo bojoné kang mati utawa durung, wanci iddahé 4 sasi 10 dina. Paugeran iki adhedasar firman Allah ing Surat Al-Baqarah, 2:234.[4]
  • Kanggo kang wadon kang nembé meteng, wanci iddahé ya iku nganti nglairaké. Paugeran iki dhedhasar Al-Quran Surah At-Talaq, 65:4.
  • 2. Iddah amarga talak, fasakh, lan khuluk
  • Kanggo kang wadon durung kumpul karo bojoné kang nembé waé pegat, ora ana wanci iddahé. Paugeran iki dhedhasar kaliyan Surat Al-Ahzab,33:49.
  • Kanggo kang wadon yèn wis kumpul, wanci iddahé ya iku:
  • a. Kanggo kang isih menstruasi, wanci iddahé ya iku 3 suciné. Paugeran iki dhedhasar Al-Quran Surah Al-Baqarah, 2:228.
  • b. Kanggo kang wadon kang ora menstruasi, amarga wis tuwa (menopause), wanci iddahé ya iku 3 sasi. Paugeran iki dhedhasar A-Quran Surah At-Talaq, 65:4.
  • c. Kanggo kang wadon kang nembé meteng, wanci iddahé ya iku nganti lairé bayiné. Paugeran iki dhedhasar Al-Quran Surah At-Talaq, 65:4.[2]

Hikmah Iddah[besut | besut sumber]

  • Mènèhi kesempatan kang wadon lan kang lanang kanggo rujuk ménèh.
  • Supaya weruh yèn kang wadon nembé meteng, iku bapaké sapa.
  • Supaya kang wadon mèlu ngrasaké kesripahan kaya kulawargané, iku yèn amarga ditinggal mati kang lanang.

Pepalang kanggo Wong Wadon kang Nembé Wanci Iddah[besut | besut sumber]

  • Ora éntuk nampa lamaran saka wong lanang liya.
  • Ora éntuk nikah.
  • Ora éntuk metu saka omah.
  • Ora éntuk dandan, kaya ta nganggo kklambi sutra, nganggo lenga wangi kang kebangetan, nganggo cat kuku, nganggo perhiasan.[3]

Cathetan sikil[besut | besut sumber]

  1. [1][pranala mati permanèn](dipunundhuh tanggal 2 November 2012)
  2. a b Syamsuri, Pendidikan Agama Islam untuk SMA Kelas XII, 2007, kaca 62.Iddah
  3. a b [2][pranala mati permanèn](dipunundhuh tanggal 2 November 2012)
  4. [3][pranala mati permanèn](dipunundhuh tanggal 2 November 2012)