Huacachina

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Huacachina
Désa
Cacah warga
 • Gunggung100

Huacachina iku sawijining désa ing kidul-kuloné Péru. Désa iki diyasa kanthi ngupengi oasis cilik lan diubengi déning pagumukan pasir. Pernahé ana ing Provinsi Ica, udakara limang kilomèter saka kutha Ica ing Dhistrik Ica.[1] Oasisé kapacak ing gambar wuriné dhuwit kertas 50 nuevo sol. Huacachina nduwèni cacah jiwa permanèn udakara wong 100[2], sanajan ditekani leksan (puluhan èwon) wisatawan saben tauné.

Huacachina diyasa ngupengi tlaga alam cilik ing segara wedhi. Ingaran "oasisé Amérika", papan iki minangka tetirah tumrapé kulawarga-kulawarga saka kutha tanggan, ya iku kutha Ica, lan minangka papan paran wisata amarga anané dolanan luncuran ing pagumukan pasir sing dhuwuré ngancik atusan kaki.[3] Kagiyatan liyané sing kondhang saka papan iki ya iku nenunggang buggy ing pasiran, sing déning wong saenggon diarani areneros.[4]

Rujukan[besut | besut sumber]

  1. Atlas Obscure: Huacachina
  2. Discovery Channel Australia: Huacachina
  3. Segreda, Ricardo; Newton, Paula; Caputo, Lorraine (2009-01-01). V!VA Travel Guides: Peru (ing basa Inggris). Viva Publishing Network. ISBN 9780979126437. 
  4. Planet, Lonely; McCarthy, Carolyn; Miranda, Carolina A.; Raub, Kevin; Sainsbury, Brendan; Waterson, Luke (2013-03-01). Lonely Planet Peru (ing basa Inggris). Lonely Planet. ISBN 9781743216248.