Hiperkolesterolemia familia

Hiperkolestrolemia familia ya iku kahanan mbebayani sing ditandhani dening kadhar kolestrol sing dhuwur ing getih. Menawa ora ditambani, kolesterol bisa tumpuk undhung lan nggawé sempit pambuluh getih. Pungkasané panandang kena lelara jantung koronèr.

Pratandha

Ana ing wiwitan, pandandang ora nuduhaké pratandha kang mligi. Racaké, pawongan iku ora mengerténi kadhar kolesterol ing awaké ing gunggung dhuwur nganti ana komplikasi kaya ta serangan jantung lan stroké. Mula, pawongan kudu ngelakoni tes skrining kolesterol sakdurungé luwih parah.

Jalaran

Hiperkolesterolemia racaké disebabaké dening campuran saka faktor genetik lan leléwaning urip sing ora waras. Faktoré tuladhané:

1. Katurunan kulawarga. Pawongan bisa ngalami hiperkolestrolemia amarga faktor genetik sing diturunaké saka bapak utawa biyung mawa lelara sing padha. Kahanan iki sing sinebut familial hypercholesterolemia sing dipicu mutasi saka gen APOB, LDLR, LDLRAP1,lan PCSK9.
2. Pola mangan sing ala. Pola mangan ala kaya ta ngonsumsi panganan sing kadhar kolestrolé dhuwur tuladhané daging abang lan produk susu kèwan bisa ningkataké kolesterol total. kadadeyan iku amarga panganan kasebut nduwé kandhutan lemak jenuh lan lemak trans. Panganan liya kaya roti lan kuwé uga ningkataké kadhar kolesterol.
3. Kelemon utawa obesitas. Bobot awak sing luwih saka wates normal utawa paowangan sing duwé indeks masa awak (IMT) luwih saka 30 nggawé resiko hiperkolestrolemia sansaya gedhe.
4. Dhiabètes. Gunggung gula in getih sing duwur bisa ningkatak;e LDL lan mudhunaké HDL sarta tembok pambuluh getih.
5. Amba bangkèkan. Wong lanang sing bangkèkané sak dhuwuré 102 cm lan wong wadon sing bangkèkané sakdhuwuré 89 cm duwé risiko hiperkolesterolemia luwih duwur.
6. Ngerokok. Rokok bisa ngerusak tembpok pambuluh getih saéngga dadi papan panumpukan lemak.
7. kurang ulah raga. Ulah raga bisa ngréwangi awak ningkataké gunggung HDL.