Grojogan Dlundung
| Grojogan Dlundung | |
|---|---|
 | |
| Jinis | Wisata alam |
| Papan | Désa Ketapanrame, Kacamatan Trawas, Kabupaten Mojokerto, Propinsi Jawa Wétan |
| Area | 4,5 ha |
| Status | Senin-Sabtu(07.30-16.00 WIB) Minggu (06.00-16.30 WIB) |
| Sarana |
|
Grojogan Dlundung ya iku salah sawijining wisata grojogan ing Mojokerto. Grojogan Dlundung iki dumunung ing Désa Ketapanrame, Kacamatan Trawas, Kabupaten Mojokerto, Propinsi Jawa Wétan.[1] Wisata iki ana ing tlatah Wana Wisata Dlundung, ing alas lereng Gunung Welirang.[2] Wisata Grojogan Dlundung mlebu alas sing dilindhungi marang Perhutani KPH Pasuruan. Wisata iki nduweni amba kira-kira 4,5 hèktar.[3]
Kahanan umum[besut | besut sumber]
Grojogan Dlundung nduweni dhuwur watara 50-60 mèter. Kanggo nyedhaki area grojogan, pengunjung bakal ngliwati tangga beton. Dalan ing tlatah iki wis diaspal kanthi rapi lan dicet werna-werni. Saliyane nyuguhake panorama grojogan ing tengah alas, uga ana gedhong gaya Eropa kang digunakake gawe ruang kesehatan lan kamar mandhi. Kajaba iku, ana mushola sing dibangun ing ndhuwur blumbang lan ana taman Omah Kelinci.[2]
Saliyane iku, ana sarana kayata warung jajanan, toko oleh-oleh, spot foto, panggung Paseban gawe pentas seni lan papan perkemahan.[4] Ing area perkemahan iki, bisa nganti 150 tenda bisa digunakake.[2]
Grojogan Dlundung bukak saben dina, wiwit jam 07.30-16.00 WIB. Mligine dina Minggu, bukak wiwit jam 06.00-16.30 WIB. Kanggo mlebu wisata iki, pengunjung dikenai biaya Rp. 10.000 kanggo wong diwasa lan Rp. 7.500 kanggo bocah-bocah. Dene rega karcis kanggo preian nasional utawa akhir minggu, ya iku Rp 12.500 kanggo wong diwasa lan Rp 10.000 kanggo bocah. Kajaba iku, ana tambahan parkir, Rp 3000 kanggo motor lan Rp. 10.000 kanggo mobil.[5]
Jarak wisata Grojogan Dlundung saka kutha Mojokerto dawane watara 38 kilomèter kanthi wektu tempuh 1 jam 10 menit. Dene jarake saka kantor Kecamatan Trawas watara 2,4 kilomèter. Rute saka kantor kecamatan Tarwas, mung belok nengen mlebu dalan wisata.
Mitos[besut | besut sumber]
Adhedhasar mitos-mitos kang sumebar ing masyarakat, grojogan Dlundung biyen dadi papan adus para bidadari. Para bidadari iki ngagem selendang saka pelangi.[6]
Kajawi punika ugi wontên mitos ingkang ngandharaken bilih grojogan Dlundung menika minangka papan adus para raja jaman biyen. Mitos iki dikuwatake kanthi panemuan barang-barang antik, kayata piring emas.[7]
Gladri[besut | besut sumber]
-
Tulisan Grojogan Dlundung -
Kaendahan alam Grojogan Dlundung
Uga delengen[besut | besut sumber]
- Grojogan Coban Lanang
- Grojogan Madakaripura
- Grojogan Coban Randha
- Grojogan Coban Rais
- Grojogan Watu Lapis
Rujukan[besut | besut sumber]
- ↑ Reza, A. "Air Terjun Dlundung, Destinasi Wisata Alam di Mojokerto yang Cocok Jadi Tempat Berkemah". www.goodnewsfromindonesia.id (ing basa Indonesia). Dibukak ing 2023-10-14.
- ↑ a b c Budianto, Enggran Eko. "Healing di Air Terjun Dlundung Mojokerto yang Eksotis". detikjatim (ing basa Indonesia). Dibukak ing 2023-10-14.
- ↑ Surabaya, TIMES. "Wisata Air Terjun Dlundung Trawas, Alami dan Instragramable". TIMES Surabaya (ing basa Indonesia). Dibukak ing 2023-10-14.
- ↑ "Wisata Mojokerto". Wisata Mojokerto (ing basa Indonesia). Dibukak ing 2023-10-14.
- ↑ Media, Kompas Cyber (2022-05-28). "Air Terjun Dlundung, Daya Tarik, Harga Tiket, dan Rute". KOMPAS.com (ing basa Indonesia). Dibukak ing 2023-10-14.
- ↑ "Review Air Terjun Dlundung, Harga Tiket Masuk, Misteri, Dan Bumi Perkemahan 2020 - NativeIndonesia.com". www.nativeindonesia.com (ing basa Indonesia). 2020-09-30. Dibukak ing 2023-10-14.
- ↑ Fauziyyah 'Azizah, Salwa (2023-02-22). "Napak Tilas Sejarah Air Terjun Dlundung Trawas Mojokerto, Bekas Pemandian Para Bidadari - Laros Media". Napak Tilas Sejarah Air Terjun Dlundung Trawas Mojokerto, Bekas Pemandian Para Bidadari - Laros Media (ing basa Indonesia). Dibukak ing 2023-10-14.