Menyang kontèn

Grojogan Coban Jahe

Saka Wikipédia Jawa, bauwarna mardika basa Jawa
Grojogan Cuban Jahe
JinisWisata alam
PapanDhusun Begawan, Desa Pandansari Lor, Kacamatan Jabung, Kabupaten Malang, Propinsi Jawa Wétan
Dibuka2014
Kang ngrumatPerhutani Unit II RPH Sukopuro
StatusSaben dina

Grojogan Coban Jahe ya iku salah sawijining wisata grojogan ing Malang. Coban Jahe dumunung ing Dhusun Begawan, Desa Pandansari Lor, Kacamatan Jabung, Kabupaten Malang, Propinsi Jawa Wétan.[1] Grojogan iki mapan sejajar karo Gunung Semeru lan Gunung Bromo, tepate udakara 30 kilometer saka lawang mlebu Taman Nasional Bromo Tengger Semeru. Amarga iku akeh pendaki ngunjungi grojogan iki. Grojogan Coban Jahe nduweni dhuwur 45 meter.[2]

Kahanan umum[besut | besut sumber]

Lokasi obyek wisata Grojogan Coban Jahe watara 25 kilometer saka Kota Malang kanthi wekdal tempuh kirang kira-kira siji jam. Rute sing saged digunakake menyang Coban Jahe ya iku liwat Jalan Adi Sucipto, yen budhal saka kutha Malang. Sakwise kuwi terus menyang Kabupaten Blimbing, terus menyang Tumpang.

Sawise lelungan saka Tumpang, pengunjung bakal tumeka ing Taman Pesareyan Pahlawan Kali Jahe. Banjur terus menyang parkiran wisata Coban Jahe. Ing area parkir ana loket karcis kanggo mlebu wisata grojogan. Wisata Coban Jahe kalebu ing wilayah Perhutani Unit II Unit Pengelolaan Hutan Jawa Timur (KPH) Malang, Sukopuro-Jabung.[3][2]

Rega karcis mlebu wisata Coban Jahe yaiku Rp. 10.000 saben wong, lan gratis kanggo bocah-bocah sing umure kirang saka limang taun. Saliyane iku, ana tambahan parkir, ya iku Rp 2.000 kanggo kendaraan roda loro lan Rp 5.000 kanggo kendaraan roda papat.[2] Wisata Coban Jahe bukak saben dina, wiwit saka jam 08.00 WIB nganti sore. Wisata Coban Jahe dibukak kanggo umum wiwit taun 2014.[4] Pariwisata iki dikelola dening Perhutani Unit II RPH Sukopuro lan masyarakat sekitar kawasan wisata.

Nalika mlebu ing obyek wisata Coban Jahe, pengunjung bakal nemokake wisata Desa Wit kang isine omah saka wit sing nduweni ukukran gedhe. Kajaba iku, pengunjung uga bakal nemokake warung panganan ing tengah kali, ing wilayah iki uga ana camping ground lan spot foto sing menarik.[5][6]

Sajarah[besut | besut sumber]

Grojogan Coban Jahe nduweni sejarah ing mburi jenenge. Jeneng iki asale ora saka tanduran obat jahe sing duwe jeneng ilmiah Zigniber officinale. Jeneng jahe dipunpendhet saking basa Jawi “pejahe” ingkang tegesipun pejah.[7]

Sajarah Coban Jahe nyritakake para satriya nalika jaman kolonial. Sadurungé, lokasi wisata Coban Jahe minangka papan pembantaian gerilya Indonésia déning pasukan kolonial Walanda sing dumadi ing taun 1948.

Kedadeyan kasebut nalika para prajurit ndhelik ing wilayah kasebut, sing akhire ditemokake dening tentara kolonial. Ana 38 satriya sing ndhelik ing wektu iku, kedadeyan iki nyebabake para prajurit kasebut ditembak saka ndhuwur bukit dening tentara Walanda.[2]

Prajurit kang tiwas ing prastāwa iku dikubur ing Tugu Pesareyan Kali Jahe. Penamaan jahe nduweni ancas kanggo mengeti crita perjuangane para satriya.

Rujukan[besut | besut sumber]

  1. Times, I. D. N.; Herlina, Ratna. "Informasi Wisata Coban Jahe Malang: Lokasi, Harga, dan Tips". IDN Times . Dibukak ing 2023-10-13.
  2. a b c d Cahyana, Ludhy (2019-11-19). "Ini Kisah Tragis di Balik Nama Air Tejun Coban Jahe". Tempo (ing basa Inggris). Dibukak ing 2023-10-13.
  3. Pemkab Malang (2020-01-21). "COBAN JAHE". malangkab.go.id. Diarsip saka sing asli ing 2023-10-14. Dibukak ing 2023-10-13.
  4. Astuti, Rina Fuji. "Nama Coban Jahe Malang yang Tak Ada Hubungannya dengan Bumbu Dapur". detikjatim (ing basa Indonesia). Dibukak ing 2023-10-13.
  5. "Coban Jahe Tumpang, Coban Di Malang Yang Cocok Buat Keluarga - NativeIndonesia.com". www.nativeindonesia.com (ing basa Indonesia). 2020-10-08. Dibukak ing 2023-10-13.
  6. Okezone (2021-09-01). "Coban Jahe, Wisata Air Terjun Instagramable di Malang : Okezone Travel". https://travel.okezone.com/ (ing basa Indonesia). Dibukak ing 2023-10-13. {{cite web}}: External link in |website= (pitulung)
  7. Indonesia, C. N. N. "Coban Jahe Indahnya Simpan Tragedi Masa Belanda". detikTravel (ing basa Indonesia). Dibukak ing 2023-10-13.