Deleng sumberé Gochujang

{{Infobox Korean name
|image=Kimchi and Gochujang by johl.jpg
|caption=Setoples ''gochujang''
|hangul=고추장
|hanja=고추醬
|rr=gochujang
|mr=koch'ujang
}}

'''''Gochujang''''' inggih punika pasta [[lombok]] ingkang dipun-ginakaken kanggé [[masakan Koréa]] kanthi bahan mliginipun punika [[beras ketan]] lan bubuk lombok ingkang sampun nglampahi prosès ''fermentasi'' <ref name="gochujang">[http://www.dbento.com/2011/03/gochujang-bumbu-cabe-khas-korea.html Gochujang: bumbu cabe khas Korea], (dipun''akses'' tanggal 24 Fèbruari 2013)</ref>. Kanthi tradhisional, fermentasi gochujang dipunwontenaken ing plataran griya kanthi wadhah tempayan tembikar mawi ukuran ingkang ageng. Papanipun dipunsukakaken wonten ing alas saking susunan [[watu]] ingkang dipunwastani ''jangdokdae'' (장독대). Ciri khas saking gochujang punika raosipun ingkang pedes radi legi sanajan katingalipun [[abang|abrit]] sanget. Wonten ing Koréa, gochujang punika bumbu ingkang wigati sanget. Asal usul tembung gochujang saking ''gochu'' (고추, lombok) lan ''[[jang]]'' (bumbu).

== Sajarah ==
Tiyang Koréa dipunprakirakaken wiwit tepang kaliyan lombok nalika taun 1700-an. Miturut ''Jungbo Sallim geongje'' (증보산림경제, 1765), gochujang dipundamel saking campuran bubuk lombok, bubuk ketan lan pasta [[dhelé|dangsul]] ingkang dipunsimpen dumugi mateng ing ngandhaping [[srengéngé]]. Resep damel gochujang punika saking abad kaping 18 mirib kaliyan resep saking abad kaping 19 dumugi sapunika.<ref name="krg">{{Cite web |url=http://www.koreanrestaurantguide.com/health/health_gochu.htm |title=Gochujang (Hot Pepper Paste) |access-date=2013-02-24 |archive-date=2009-01-24 |archive-url=https://web.archive.org/web/20090124130550/http://koreanrestaurantguide.com/health/health_gochu.htm |url-status=dead }}</ref>

Bahan baku lan resep gochujang bènten-bènten miturut jaman lan dhaérahipun, saged saking campuran manéka jinis [[glepung]] kados ta [[dhelé|dangsul]], gandhum, [[milet]]. Bubuk lombok, sarem pawon, lan kecap asin, lajeng dipunmatengaken kanthi cara fermentasi. Minangka asiling fermentasi, raos pedes dados kirang, lan beras ketan dados legi. Sanajan makaten, sapérangan produsen ugi nambhakaken gula saking beras utawi gula pasir.

== Panggunaan ==
Kajawi minangka bumbu ingkang wigati kanggé manéka jinis masakan Koréa, gochujang ugi dipuncampur kaliyan [[sega|sekul]] lan dipunudhak kados nalika dhahar [[bibimbap]]. Gochujang punika bumbu kanggé damel ''[[jjigae]]'' (gochujang jjigae), ngekom daging (gochujang bulgogi), damel ''[[tteokbokki]]'', lan minangka ''penyedap'' nalika damel [[naengmyeon]]. Saus cocol saged dipundamel saking campuran gochujang, kecap asin, bawang, lan lenga wijen. Saos ''chogochujang'' (초고추장) dipundamel saking campuran ''gochujang'' kaliyan cuka lan wiji wijeng. Saos punika dipun-ginakaken nalika dhahar ''[[hoe]]'' lan ''[[hoedeopbap]]''. ''[[Ssamjang]]'' (쌈장) dipundamel saking campuran gochujang, [[doenjang]], [[bawang bombay]], lan [[godhong bawang]].

== Cathetan suku ==
{{reflist}}

== Ugi pirsani ==
* [[Doubanjiang]]

== Pranala njawi ==
* [http://www.haechandle.com/eng/product/intro_product/PdtIntGcj.asp Cara membuat gochujang]
{{masakan Koréa}}

[[Kategori:Olah-olahan Koréa]]