George N. Appell
George N. Apell ya iku tokoh antropologi saka Amérikah Sarékat kang kalairané taun 1926. Dhèwèké wis naté sinau ing Universitas Harvard awit taun 1949 nganti 1957[1]. Apell pikantuk gelar Ph.D. saka Australian National University taun 1966. Kerja téoritisé iku saka akèh pangalaman dhèwèké ing komunitas-komunitas asli kang sosial budayané wis dipethal amarga pangembangan globalisasi. Adhedhasar saka jembar polatané, Apell wis ngembangaké sistem analisis kang marengké para panliti kanggo ndhokumèntasi jural unit lan nulung komunitas mau menging sumber-sumber dayané supaya ora dicaplok karo pihak jaba. Apell nyurung panalitèn ing wong-wong asli kang lagi kaancam budayané. Dhèwèké nuduhaké yèn budaya dhéwé iku mbejaji banget lan bisa nylarasaké ing éwah-éwahan sosial. Panalitèn lapangané wis asring diayahi ing Sabah Malaysia lan Kalimantan Wétan. Uga pernah ing Kanada, Amérika, lan Dhènemarken. Dhèwèké dadi présidhen lan pangadeg Borneo Research Council kang nyengkuyung béyasiswa kanggo bebrayan Bornéo. Salah siji buku karyané ya iku Dilemmas and Ethical Conflicts in Anthropological Inquiry: A Case Book taun 1978[2][3].
Rujukan[besut | besut sumber]
- ↑ Amit, Vered (2004). Biographical dictionary of social and cultural anthropology. London: Routledge. kc. 13–14. ISBN 020364459X. OCLC 436848672.
{{cite book}}: CS1 maint: date and year (link) - ↑ "Complete Bibliography". George N. Appell, Ph.D. Dibukak ing 2017-11-06.
- ↑ "Appell, George N." World Cat. Dibukak ing 2017-11-06.