Gendéra Setengah Cagak

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gendéra Austria dipasang setengah cagak ing ngarepé gedhung parlemen amarga sedané Presiden Thomas Klestil, 7 Juli 2004
Gendéra RRT dipasang setengah cagak ing Alun-Alun Tiananmen kanggo mengeti korban lindhu 2008.
Gendéra Mercosul lan Gendéra Brazil dipasang setengah cagak ing ngarepe gedhung parlemen kanggo mengeti korban kacilakan Chapecoense ing 29 November 2016.
Gendéra Israel dikibarna setengah cagak kanggo mengeti Yom HaShoah

Gendéra Setengah Cagak ya iku istilah kang digunakaké kanggo nyebut kagiyatan pangibaran gendéra kang dipasang ing tengah-tengah cagak. Ing akèh-akèhé nagara, acara iki ditindakaké kanggo pakurmatan, belasungkawa, utawa kasengsaran.[1]

Acara masang gendéra setengah cagak wis diwiwiti nalika abad kaping pitulas.[2] Acara iki dipracaya bisa nggawé "gendera kapaten sing ora ketok" kapasang ing pucuk cagak gendéra, sing nengeri anané wong mati (Ing Tanah Jawi, biasané nganggo gendera abang).[3] Ing pirang-pirang nagara, contoné Britania Raya, gendéra karajan ora pernah dipasang setengah cagak amarga mesti bakal ana raja/ ratu sing bakal nggantikaké raja/ ratu sing wis séda.[4] Ing Arab Saudi, Somaliland, lan Afghanistan, gendéra ora oleh dipasang setengah cagak amarga ing gendéra iku mau kaserat kalimat syahadat. lan ing Irak, gendérane ra oleh dipasang setengah cagak amarga ana kalimat takbiré.

Nalika arep masang gendéra setengah cagak, gendéra kasebut kudu ditarik nganti pucuké cagak, bar kuwi lagi diudunké nganti setengah cagak. Nalika arep ngundunaké gendéra, uga padha, gendera dipasang dhisik nganti pucuk, banjur kuwi diudunké lan dicopot saka kèrèkan.

Rujukan[besut | besut sumber]

  1. Flags at half mast
  2. Why Are Flags Flown at Half-Staff in Times of Mourning?
  3. Franklyn, Julian, Shield and Crest: An Account of the Art and Science of Heraldry (London: MacGibbon & Kee, 1961), 176
  4. http://www.flaginstitute.org/wp/british-flags/flying-flags-in-the-united-kingdom/british-flag-protocol/#index21