Fifie Rahardja

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Fifie Rahardja (lair ing Bandhung, 19 Juli 1964) ya iku wong kang gawé BSB (Bank Sampah Berseri) ing tanggal 27 Sèptèmber 2017. BSB iku bank sampah kang nampung maneka warna larahan, contoné plastik, kertas, ban pit montor, lan larahan liya saka para warga masyarakat. Anané Bank Sampah Berseri amarga rasa prihatin marang larahan kang numpuk akèh ana ing pinggiran kali Citarum. Larahan-larahan iku njalari banjir kang gawé susahé para warga saéngga ora bisa kerja, lan bocah-bocah ora bisa sekolah.

Bank Sampah Berseri (BSB)[besut | besut sumber]

Taun 2014, TNI lan kurang luwih 3.000 wong ngresiki larahan kang nutupi kali, dipinggirné saka kali, banjur gawé déklarasi karo pemerintah, tokoh masyarakat, juru wirausaha, lan 10 universitas, ora bakal guwak larahan menyang kali. Saka kagiatan iku, banjur oleh konsep bank sampah kanggo ngubah pola pikiré masyarakat ngenani sampah.[1] Sadurunge madegné BSB, Fifie ngutus tim khusus kanggo sinau carané ngopèni larahan menyang Malang, Jawa Timur, kanti suwéné enem dina. BSB kang sepisan diadegné ing Cieunteung, Kabupaten Bandhung, ing punjeré banjir. BSB nampa manéka warna larahan, lan larahan iku bakalé diijoli karo voucher kang cacah nominalé Rp500,00 nganti Rp 20.000. Voucher iku mau bisa kanggo bayar sembako, klambi utawa kathok nalika ana bazar, tuladhané Bazar Barokah tanggal 6 Juni 2018 kang dianakaké BSB Rancamanyar, salah sawijiné bagéan saka BSB induk. Cacahé anggota BSB saiki nganti 7000 uwong kang dipérang ana ing 235 pepanthan ing 13 kecamatan manggon ing Kabupatèn Bandhung, lan 2 kecamatan manggon ing Kabupaten Bandhung Kulon ya iku Lèmbang lang Cihampelas. Saben sasiné, bisa nglumpukaké larahan 20 nganti 30 ton. Larahan mau uga dijupuk saka pinggiran kali Citarum. Ing taun 2018, rega larahan Rp1.000,00 nganti Rp40.000,00 saben kiloné, lan tabungané BSB cacahé uwis nganti Rp 200 yuta[2]. Anané BSB bisa nyuda cacahé larahan nganti 75%. Ing taun 2018, Bank Sampah Bersinar kang diayomi dening Yayasan Solusi Bersinar Indonesia lagi nyepakaké pèngetan madegé Bank Sampah Bersinar, ya iku gawé program anyar Kota Seribu Terang. Program iki ancasé ngajak para warga supaya luwih gatèkaké babagan larahan. Program kang dianakaké wulan Maret nganti wulan September 2018 iku uga ngenani babagan seni lan ékonomi. Ana seminar, forum group discussion ngenani panggonan urip lan kali, workshop bank sampah, lan gladhèn seni lukis kanggo para juru kagunan Désa Jelekong gunakaké larahan.[3]

Kauripan[besut | besut sumber]

Kanthi sarana BSB, Fifie uga duwé kerja sama ing dunia pendidikan karo loro Perguruan Tinggi ing Bandung. Asil kerjasamané ya iku salah sawijiné komponèn biaya kuliah isa dibayaraké saka dhuwit asil nglumpukaké sampah. Program iki rencanané bakal diwiwiti ing taun ajaran anyar 2018. Saliyané iku, BSB uga gawé kerja sama karo klinik kesehatan ing Kecamatan Ciparay lan Kecamatan Soréang Kabupaten Bandhung. Bayaran prèminé isih dirembug, kurang luwih Rp20.000,00 saben wulan, asalé saka dhuwit asil dodolan larahan.Ora mung bank sampah, Fifie uga gagas Mal Kaki Lima kang nyepakaké maneka warna klambi kang bisa dituku nganggo voucher kanggo narik kawaigatèné para warga. Sapa waé bisa tuku, ora mung anggotané BSB. Maneka warna klambi iku mau isih anyar, amarga Fifie uga juru wirausaha saéngga isa entuk klambi saka mitrane kang duwe pabrik garmen lan tèkstil. Regané klambi antarané Rp10.000,00 nganti Rp75.000,00 saben klambi. Karo garwané, Fifie duwé rencana bakal bangun 1000 omah kanggo para buruh ing Désa Bumiwangi, Kecamatan Ciparay, Kabupatèn Bandhung. Omah iki bakal digawé ing lahan bebas banjir. Regané tipe 32 rencanané bakal direga Rp 100 yutanan, isa dicicil Rp 1 yuta saben wulan nganti 10-15 taun. Para buruh bisa nambahi dhuwit cicilan gunakaké larahan kang didol ing BSB.

Pangaji[besut | besut sumber]

Ing taun 2008, Fifie oleh pangaji The Best Enterpreneur saka Ibu Mufidah Jusuf Kalla. Banjur ana ing taun 2017, entuk Sabilulungan Award saka Kabupaten Bandung kanggo Bank Sampah Bersinar ing Kategori Kesehatan dan Lingkungan Hidup, lan ing taun sing padha uga entuk pangaji “All About Women”.

Pengalaman[besut | besut sumber]

Ing tahun 2008, Fifie mènèhi fasilitas gladhèn Body Space Medicine, ya iku cara pengobatan saka China, kanggo 50 uwong difabel sa-Jawa Barat.

Rujukan[besut | besut sumber]

  1. Gumilar, Gugum Rachmat (2018-03-14). "Fifie Rahardja, Mengubah Sampah Jadi Berkah". Pikiran Rakyat. 
  2. Oktora, Samuel (2018-06-18). "Fifie Rahardja Menjadikan Sampah Sebagai Jembatan Sejahtera". Kompas. 
  3. Gumilar, Gugum Rachmat (2018-03-01). "Bagi BSB, Sampah Adalah Berkah". Pikiran Rakyat.