Erica Hestu Wahyuni

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Erica Hestu Wahyuni ya iku juru kagunan kang njupuk inspirasi saka bocah-bocah cilik anggoné dadi pelukis. Dhèwèké nganggep donyané para bocah-bocah iku wujud saka rèalisme kang bisa diwujudakè dadi gambar.[1]

Lakuning urip[besut | besut sumber]

Erica pancèn wong wadon kang kendel lan dadi awaké dhèwè kawit cilik. Ora mèlu-mèlu pola pikir liyané. Pancèn wiwité nggambar ya iku nggambar gunung lan sawah. Dhèwèké uga sekolah ana ing Pendidikan Melukis Anak-anak Katamsi disengkuyung tumrap Soeharto PR lan Heri Wibowo. Anggoné mlaku ya ora lancar banget. Mesthi ana grénjolan kang kudu di éndha lan kudu diliwati. Nalika dhèwèké ing paguyuban ASRI, pakaryané  ora ditrima déning kanca-kanca paguyuban. Ing kéné kuduné ana kritik kang mbangun utawa nggawé karyané dadi tambah apik, nanging sing ana malah nggawé mentalé tambah anjlog. Karya-karyané dianggep ora patut amarga ora slaras karo aturan. Nanging, kabèh mau bakal dadi  pasinaon.[1]

Préstasi[besut | besut sumber]

Minangka dadi juru lukis utawa juru sungging wis duwé sawenèh préstasi.  Dhèwèké wis tau juwara lomba ping 18 awit dhèwèké cilik nganti diwasa. Sing kapisan, ing wulan April taun 2001 ing Galèri Nasional Indonésia. Dhèwèké uga wis tau èntuk  penghargaan saka kagunan lukis lan sekèt paling apik saka FSR ISI tauun 1993. Sakliyané préstasi ing jagad kagunan uga ngarang buku kanthi irah-irahan Erica, Most Playful Child.  Sanajan buku iku ndadèkaké Erica dadi omongané wong-wong kang ora seneng marang dhèwèké. Amarga, padha nganggep yèn Erica iku kalebu pengusaha kagunan dudu juru kagunan ananging dhèwèké ora preduli lan tetep ngadeg dadi juru kagunan kang béda cara pikiré.[1]

Erica trakhir uga nganakaké paméran lukisan ana ing Wina. Pamérané wiwit tanggal 11-20 Januari 2017 lan ana 10 lukisan kang dipamerake saka dhèwèké.[2]

Rujukan[besut | besut sumber]

  1. a b c 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. ISBN 9789791436298. OCLC 848263279. 
  2. "Colour of soul Erica Hestu Wahyuni". Menara62. 2017-02-05. Dijupuk 2018-11-22.