Danang Giyarso SW

Danang Giyarso SW, Drs. KRT.H.MS.Dipl.AE (lair ning Ponowaren Sukoharjo, 17 Pebruari 1954) yaiku Direktur BPLP Kasatriyan Kraton Surakarta. Piyambaké agamané Islam. Piyambaké duwe gelar sarjana sing pikantuk ing FKIP Universitas Sebelas Maret Surakarta, Program Studi Pendidikan Arsitektur 1978. Uga lulus saka Universitas Kobe Jepang (1984) lan Pendidikan Teknik Bangunan UNS 1986. Banjur iku piyambaké tau oleh beasiswa Supersemar, beasiswa saka Jépang lan Studi Pendidikan ning pirang-pirang Negara ASEAN, ing antarane yaiku Thailand, Malaysia, lan Singapura. Piyambaké tau dadi ketua Senat FKIP UNS, Ketua Dema PPGT Bandung, Sekretariat PPI Jepang, Direktur CV. Femina, CV. Ganesha Satyayasa, guru STM N Cilacap, guru STM Murni, Asisten Dosen UNS. Piyambaké oleh Piagam Penghargaan saka “KAN I REN” Jepang (1984). Kaluhuraké dadi K.R.T (Kanjèng  Raden Tuménggung) Anom- anom saka Kraton Surakarta.

Kauripan

Danang Giyarso SW minangka bocah desa wis kérép kérja lan ora nyerah utawa sregép. Sanalika pas sekolah ing STM dheweké wis sinambi kerja srabutan. Kanekatané iku dibuktekaké nalika sinau ning Jepang. Pas iku amarga Atsumi Taka Gahara Sensei njoget jogetan Bengawan Solo, dheweké nekad njoget Jawa Gatot Koco Gandrung. Njalari piyambaké kérép banget dijaluki panemu babagan "Budaya Jawa lan Batik". Saengga dheweké ning kana akeh kanca, malah tumeka saiki menawa ana kancané teka ning Indonesia akeh sing mampir ing Solo. Utawa malah ngundang kanca-kanca menyang Solo. Minangka dadi guru lan wirausahawan, dheweké mésthi ngusahakné lélakon jujur lan profesional. Saengga dheweké sing duweni kesenengan lelakon utawa hobi yaiku kerja, sinau, lan ulah raga iki mesthi diterapaké konsép Profesional, Produktif, Selamat, Sukses lan Seneng.Konsep iki mesthi dilakokné ing ngolah kabèh pangudi lan Lembaga Diklaté.Lan sing utama BPLP/Pendidikan lan Pelatihan Jasa lan Niaga, Profesi Hotel & Restoran, Pariwisata, Jasa Boga, Kapal Pesiar, Bisnis & Marketing, Bahasa lan Fotografi supaya samengko kabèh bisa percaya karo awakédhewé, profesional, produktif lan mandiri. Piyambake duweni pepinginan supaya samengko SDM bidang Pariwisata, Jasa lan Niaga ing Indonesia saktingkat karo negara-negara sing wis maju.